Mette Frederiksen og Socialdemokraterne hava gjørt avtalu við Venstre og Moderaterne um at skipa stjórn.

Danmark fær tí eina stjórn, sum liggur á miðjuni. Blokkpolitikkurin er tí lagdur á hillina. 

Hetta er annars tað sum Lars Løkke Rasmussen hevur tosa um seinastu umleið 3 árini.

Tað eru tey sum ivast í hvussu gott tað verður. Men alt nýtt skal fyrst prógva at tað ber til, áðrenn fólk trúgva at tað ber til.

Flokkarnir sum ikki eru á miðjuni eru tí settir uttanfyri. Stjórnin hevur meiriluta og tað er ikki vanligt í Danmark.

Seinni í dag fer nýggja stjórnin at greiða frá hvat tey ætla komandi árini.