Kundin vil gjalda 30% meira fyri feskan laks
Í USA og Japan vilja tey gjalda meira fyri fekst enn fryst. Smakkiroyndir vísa at fólk ikki merkja mun á feskum og frystum.
Tey sum eta laks í USA og Japan vilja gjalda 30% meira fyri feskan laks, enn fyri frystan laks, sum síðan er upptinaður. Hetta vísur kanning, sum norski granskingarstovnurin NOFIMA hevur gjørt.
Í kanningini royndu tey eisini at fortelja kundanum, at co2 útláti var hægri á feskum laksi. Men tað hevði lítla ávirkan. Men tó var eitt tal av kundum, sum søgdu at tað hevði tídning.
Feskur laksur verður sendur við flogfarið og tað økir samlaða co2 útlátið rættuliga nógv.
Í frágreiðingini lesa vit eisini um smakkiroyndir gjørdar í Norra av feskum og frystum laksi. Hetta eru blindtestir har fólk ikki vita hvat er tina og hvat er fryst. Royndirnar vístu, at fólk ikki smakkaðu nakran mun.
Annars siga tey á Hiddenfjord, sum flytur alt við skipi, fyri at minka co2 útlátið, at tað gongur væl hjá teimum at selja.
Frágreiðingin eitur Rapport: Forbrukeroppfatninger om fersk og tint laks.
Hon sæst her her
Mest lisið í farnu viku
Samband
Heygsvegur 8
490 Strendur