Føroyingur stjóri í Baader, Danmark
Jákup Sørensen, nýtilnevndur stjóri í danska dótturfelagnum hjá Baader í Danmark. Hann væntar, at samstarvið við P/F Petur Larsen verður gott.
Jákup Sørensen, sum hevur verði søluleiðari hjá dótturfelagnum hjá Baader í Danmark, er júst útnevndur stjóri í felagnum. R7 tosaði seint í gjár við hann í telefon.
Í gjár frættu vit, at Baader hevði enda samstarvi við P/F Petur Larsen. Samstarvi við Petur Larsen er rættuliga gamalt. Vit tosaðu í gjár við Rógva Larsen sum vísti til Baader, tá vit spurdu um hví samstarvi endaði. Somuleiðis segði Rógvi Larsen, at teirra virksemi fór at halda áfram eins og higartil. P/F Petur Larsen er einasta felag í Føroyum, sum burtur av hevur tikið sær av Baader flakamaskinum. Næstan allar flakamaskinur í Føroyum eru av merkinum Baader.
Jákup Sørensen visti at siga, at teir ikki roknaðu við stórvegis broytingum. Ætlanin er at hava skrivstovu í Føroyum, sum skal hýsa stjóranum og annars verða til sølu av nýggjum maskinum. Jákup Sørensen segði eisini, at ætlanin ikki er at hava fólk í starvi sum skulu viðlíkahalda Baader maskinur. Hann roknaði við at samstarvi við Petur Larsen frameftir fór at verða gott.
Eisini upplýsti Jákup Sørensen at Baader eigur Íslendska felagið Skagin3X, sum millum annað hevur levera útgerðina til okkurt av pelagisku virkjunum. Baader í Føroyum fer sostatt at kunna levera eykalutir v.m. Somuleiðis kann roknast við at fólk frá Skagin3x onkuntið vitja til viðlíkahald av maskinum sum Skagin3x hevur sett upp í Føroyum.
Broytingin skal tí bara síggjast, sum ein minni broyting, sum er vanlig í stórum fyritøkum. Ynski hjá Baader er at verða sjónligir í Føroyum. Hetta við at hava eina skrivstovu og søludeild í Føroyum. Jákup Sørensen hevur higartil tikið sær av allari sølu av nýggjum flakamaskinum.
Jákup Sørensen verður stjóri í Danska dótturfelagnum hjá Baader. Tað starvast 1.400 fólk í alt hjá Baader og teir eru í nógvum ymiskum londum. Á deildini í Danmark eru tey undir 10 starvsfólk.
Mest lisið í farnu viku
Samband
Heygsvegur 8
490 Strendur