Nationalbankin um sethúsalán
Vøksturin í bústaðarlánum skal síggjast í samanhangi við vaksandi bústaðarprísir, sigur Nationalbankin í árligu metingini av Føroyum
Bústaðarlán frá føroyskum bankum, og donskum realkredittstovnum, telja umleið helmingin av samlaðu útlánununum hjá peningastovnunum í Føroyum.
Bústaðarlánini vóru knapt 7 pst. størri í oktober 2022 enn árið fyri. Bústaðarlánini hava verið í vøkstri seinastu árini, sum skal síggjast í samanhangi við vaksandi bústaðarprísirnar, serliga í Tórshavn.
Bústaðarprísirnir í Føroyum hava verið vaksandi m.a. av vaksandi nettoinntøkum. Ein stórur fólkavøkstur síðani 2013, og fallandi rentustøði fram til endan av 2021, hava eisini økt um eftirspurningin eftir bústøðum. Samstundis hevur útboðið av bústøðum ikki fylgt við økta eftirspurninginum.
Føroyski bústaðarmarknaðurin er merktur av, at meginparturin av útlánunum til bústaðarkeyp eru við avdrátti. Hetta betrar um mótstøðuførið hjá føroysku sethúsaeigarunum í mun til afturgongd í búskapinum.
Stórur vøkstur í íbúðarkostnaði seinastu árini
Føroyskir sethúsaeigarar verða ávirkaðir av rentum Flestu føroysku sethúsaeigararnir hava broytiliga rentu á bústaðarlánum sínum. Hjá uml. 85 pst. av bústaðarlánunum við broytiligari rentu, er minni enn eitt ár til næstu
rentutillaging. Vaksandi renturnar fara tí skjótt at raka rentuútreiðslurnar hjá føroysku sethúsaeigarunum.
Renturnar av føroyskum bústaðarlánum hava verið vaksandi í 2022, men byrjaðu lágt. Rentuhækkingarnar koma omaná, at inflasjónin leggur stórt trýst á føroyska búskapin.
Samanumtikið má væntast, at vaksandi rentuútreiðslurnar av bústaðarlánum, og prísvøksturin sum heild, fara at gera tað torførari hjá føroysku sethúsaeigarunum at gjalda sína skuld.
Rentustuðulin av bústaðarlánum taka tó nakað av ávirkanini, sum rentuhækkingarnar hava á búskapin hjá føroysku sethúsaeigarunum. Rentustuðulin lækkar rentuútreiðslurnar við 35 pst. av rentuútreiðslunum, tó í mesta lagi 100.000 kr.
Mest lisið í farnu viku
Samband
Heygsvegur 8
490 Strendur