Granskarar í San Diego í California vísa í grein í Tíðarritinum Nature 17 januar í ár á, at nýtsla av UV strálum til at turka neglalakk kann verða skaðiligt.

Teir hava gjørt royndir sum vísa, at cellurnar í húðini doyggja eins og DNA mutatiónir, sum viðføra húðkrabba. 

Víst verður á, at UV strálurnar ikki eru tær somu sum í solarinum og at útgerðin sum nýtt verður, fæst til keyps allastaðni og hon er ikki merkt at verða vandamikil.

Granskararnir siga seg ikki vita um aðrar vísindaligar kanningar av hesum slag. Til at gera royndirnar hava tey brúkt húð hjá fólki og mýs.

Úrslitini geva ábending um at verður UV nýtt ofta at turka neglalakk, so kann roknast við ávírkan. Men tey siga eisini, at neyðugt er at gera fleiri kanningar. 

Granskararnir siga eisini, at teir eru givnir at brúka UV strálur til at turka neglalakk.

Meira um hetta kann lesast á enskum í her

Greinin í Nature kann lesast her