Í Svøriki hava teir í nógv ár roynt at gera yvirlit yvir kriminalitet í Stockholm. Seinasta frágreiðingin er frá 2021 og vísur at tað eru 52 ymiskir bólkar og tilsamans 1.500 fólk.

Bólkarnir eru á leið 20 fólk og talan er tí um lítlar bólkar. Tal av bólkum er vaksandi. Í 2015 vísti uppteljingin at tað vóru 39 bólkar. Somuleiðis vísur frágreiðingin at frá 2019 til 2021 vóru á leið 12 nýggir bólkar og tað merkir at onkrir bólkar blíva burtur.

Aldurin er úr 14 upp í 77 ár. Miðalaldurin er tó 22 ár. Flest allir bólkar hava miðalaldur sum er 21-28 ár. 2% av limunum eru kvinnur. 

Slíkir bólkar eru vanligir í stórbýum. Teir fáast ofta við sølu av rúsevnum og ymiskum øðrum virksemi, sum ikki er lógligt. 

52 bólkar á 20 limir er sera trupult at gera nakað við. Tað ber til at kortleggja, men tá løgreglan skal gera nakað, so krevjast prógv og grundaður mistanki. Tað er als ikki so einfalt sum tað ljóðar. 

Tal av drápum í Svøriki er vaksandi og tað er ofta nevndu bólkar, sum berjast um kundar. Tað er eisini púra vanligt úti í heimi.

Tað er stórur munur á samfeløgum. Vit hava sera væl regulera samfeløg í mun til onnur. Men allíkavæl tykist tað sum ber væl til at liva av at verða kriminellur. Í øllum førum tykist tað verða ein vinnugrein í vøkstri.