Men Gud, sum ríkur er í miskunn, hevur, fyri mikla kærleika Síns skuld, sum Hann elskaði okkum við. Ef.2.4

Hetta loyndarmál er stórt – tað er Kristus og samkomuna, eg hugsi um við hesum. Ef.5.32

Her eru tvinni “mikil/stór” í Efesusbrævinum. Tað fyrra er hvussu stórur kærleiki Guds er, sum Hann hevur elskað okkum við. Og hitt seinna er stórleikin í Guds ævigu sameining við okkum.. Hvussu stórur er kærleiki Faðirsins til okkara? Hygg á Golgata!!! Elskað av Faðirinum og fastknýtt at Syni Hansara – hvør ein stórur kærleiki og hvør eitt stórt loyndarmál!

Úrvalt - Páll Poulsen týddi úr enskum

Guds kærleiki er størri, hægri,

enn pennur, tunga tulka kann.

Sjálvt hægsta stjørna gongur lægri,

og heilt til heljar røkkur hann.

Hin falna mann

hann aftur vann

Guds sonar blóði við;

tað barn, sum gleið

á syndaleið,

hann reisti og gav frið.

Niðurlag: Guds kærleiki, so ríkur, skærur!

Ei ævin verður ov long

Guds kærleika, sum ævigt varir,

at bera fagnaðarsong!

2. Tá alt er svunnið – sól til viða

er farin sína síðstu ferð,

og tann, sum her ei vildi biðja,

til fjøll og heyggjar, neyðróp ber,

tá varir við

Guds kærleiki,

ómetandi í hædd.

Hin droyralind

burt tekur synd

og gleðir mansbørn rædd.

3. Varð broytt til blekk hvørt hav á foldum

og loftið alt til pergament,

til penn hvørt strá, ið vaks úr moldum,

og skrivikynstur øllum kent,

Guds kærleika

at siga frá

uppturkaði hvørt hav;

frá brún til brún

ei nóg nógv rúm

alt himmalhválvið gav!

*Frederick M. Lehman (Amer.), 1868–1953.

{Lag: F.M. Lehman}.

(P.W. Háberg týddi).

Nr 11 í NSGF 2015