Andakt
Páll Poulsen skrivar
Tummas svaraði Honum: „Harri mín og Gud mín!“ Jóhs.20.28
Tá sá eg mitt ímillum hásætið og hinar fýra verurnar og hinar elstu lamb standa, eins og dripið (nýliga?)... Op.5.6
Hvør eitt gleðiligt aftursvar úr hjarta Tummasar: „Harri mín og Gud mín!“ Tað var einans eftir at hann hevði sæð merkini av kærleikanum á Golgata, at hjarta hansara brast útúr við tilbiðjan og hávirðing. Hvat var tað, sum fekk tær fýra verurnar og teir 24 elstu at syngja: „Verdur ert Tú..., tí Tú vart dripin...!“ Op.5.9? Tað var einans, eftir at tey høvdu sæð Lamb Guds, eins og (nýliga) dripið. Hvat eigur at fáa hjørtu okkara at vella fram við tilbiðjan ein sunnumorgun? Einans, um í trúgv, vit eisini síggja merkini av Golgata!
Úrvalt - Páll Poulsen týddi úr enskum
Krýn hann, hin Dýrdarkong,
hitt Lamb, Guds trónu á,
og takkarsongur Himmalsins
alt annað doyvir tá.
Vak, sál, og syng um hann,
sum gav í deyðan seg,
veit honum prís um alla tíð
tí dýrt hann frelsti teg.
2. Krýn hann, hin Kærleikskong,
hvørs særda likam ber
enn sjónlig sár, tó heima hann
nú dýrdargjørdur er.
Ei einglar skilja tað
men undrast á ta sjón,
ið teimum opinberast har,
sum okkum birtir vón.
3. Krýn hann, hin lívsins Kong,
sum grøv og deyða vann,
tá sigurríkur hann upp stóð,
og øll tí frelsa kann.
Hans dýrd vit syngja um,
ið høgt nú lyftur er,
sum okkum lívið ævigt vann
og veldissprotan ber.
*Matthew Bridges (Ongl.), 1800–1894, 1. 2. og 4. ør. Godfrey Thring (Ongl.), 1823–1903, 3. ør.
{Lag: George J. Elvey (Ongl.), 1816–1893}.
(Arnfinnur Setberg týddi).
Nr. 330 í NSGF 2015
Mest lisið í farnu viku
Samband
Heygsvegur 8
490 Strendur