Andakt
Páll Poulsen skrivar
...orð Mítt ... tað skal ikki koma tómt aftur, men gera tað, ið Eg vil, og hava eydnu at avrika tað, ið Eg sendi tað til. Es.55.11
Tað er Heilagi Andin, sum sannførir menniskju um synd og leiðir tey til Kristus. Til tess at gera tað, brúkar Hann svørð Sítt – Guds Orð, Ef.6.17. Men Gud hevur givið okkum ábyrgdina at fáa Orðið út, so at Andin kann gera Sítt verk. Tað fer at taka tíð og orku, og tað kann vera, at vit mugu geva upp egna stremban til tess at gera Hansara, men um vit gera okkara part, fer Gud at gera Sín og gera, at tað ber frukt. Tað var ein burturtveitt traktat, sum onkur tók upp úr einari veit í Malawi, sum Gud brúkti at byrja eitt nýtt verk fyri Hann har.
Úrvalt - Páll Poulsen týddi úr enskum
Sáa út á morgni og í middagshita
og á kvøldartíma Orðsins góða sáð!
Sáa út í trúnni, heystartíðin nærkast,
tú skalt koma glaður, bera bundi tá!
Niðurlag: Bera bundi inn, bera bundi inn,
tú skalt koma glaður, bera bundi inn.
2. Sáa, tá ið sól er, og tá mjørkin køvir,
ræðst ei storm, ei kulda, halt í trúnni á!
Skjótt er dagur liðin, hvíldartímin inni;
tú skalt koma glaður, bera bundi tá.
3. Far tá, um við tárum, sáa fyri Harran,
far um tú ei tøkk, men háð og hat skalt fá!
Stríðið er brátt liðugt, síðsta tárið runnið;
tú skalt koma glaður, bera bundi tá.
*Knowles Shaw (Amer.), 1834–1874.
{Lag: George A. Minor (Amer.), 1845–1904}.
(V. Danielsen týddi).
Nr. 982 í NSGF 2015
Mest lisið í farnu viku
Samband
Heygsvegur 8
490 Strendur