Havandi eyguni vend á Jesus, upphavsmann og fullkomara trúarinnar. Hebr.12.2

Sir Patrick Moore, 1923-2012, var ein víðakendur bretskur stjørnufrøðingur. Í eini minningargrein skrivaði ein vinmaður um hann og tók millum annað soleiðis til “Hann lærdi meg at hyggja uppeftir.” Ein kann tilhugsa sær teir báðar lærusveinarnar á veg til Emmaus - vónleysir og ørkymlaðir. Teir fóru omaneftir og hugdu niðureftir! Tá teir ásannaðu, hvør fremmandamaðurin var, ið var komin í fylgi við teir, tá broyttist teirra útsýni. Lat okkum venda eyguni á Jesus í dag – upphavsmann og fullkomara trúarinnar í væntan, at Hann skjótt fer at koma aftur.

Úrvalt - Páll Poulsen týddi úr enskum

Á, sál, ert tú mótleys og byrðað?

Ei ljós tú á náttini sær?

Tað er ljóst, bert tú hyggur á Jesus,

og lív tú í yvirflóð fær.

Niðurlag: Vend títt eyga á Jesus,

hygg inn í hans andlit so kært,

og øll heimsins gleði vil fána burt

í tí náði og dýrd, ið tú sært.

2. Hann sigur tær vann gjøgnum deyðan,

og honum bert sigra vit við.

Ei syndin kann á okkum valda,

hann vann okkum fullkomnan frið.

3. Hans orð og hans lyfti ei svíkja;

bert trúgv teimum, hvussu ið fer.

Far so út í heimin hin myrka

og frelsunarboðskapin ber.

*Helen H. Lemmel (Ongl.), 1864–1961.

{Lag: Helen H. Lemmel}.

(Brynleif Hansen týddi).

Nr 734 í NSGF 2015