at tit, ...hava havt samfelag við meg í arbeiðinum fyri evangeliið, Fil.1.5

eg verji og staðfesti evangeliið. Fil.1.7

hevur heldur verið evangeliinum til frama. Fil.1.12

Bert skulu tit liva lív tykkara, sum hóskandi er evangelii Kristusar... so tit við eini sál berjast saman fyri trúnni á evangeliið. Fil.1.27

Paulus elskaði evangeliið og eggjaði onnur eisini at elska tað. Tað er framvegis so á okkara døgum, at sæl eru tey, sum geva og virkin luttaka í felagskapi at breiða út evangeliið. Tað er so týdningarmikið fyri hvønn einstakan okkara at liva lív okkara sum sømir seg evangeliinum, at gera framstig at breiða út evangeliið, inntil Harrin kemur aftur.

Úrvalt - Páll Poulsen týddi úr enskum

Av Grønlands ísi gráum,

úr stóra Afrika,

av Russlands fløtum lágum,

av Ceylon, Sumatra,

úr India skógi grøna,

úr Kina, Japan við

ótaldar røddir bøna:

Ber okkum boð um frið!

2. Hvat hjálpa blómur vakrar,

ið Harrin hevur skapt,

hvat fløtur, grønir akrar,

tá fólkið er fortapt!

Til einkis náði nýggja

hvønn dagin sendir hann;

tey dýrka tað, tey síggja,

og gloyma Skaparan.

3. Og kunnu vit nú goyma

tað ljós, vit hava sæð,

og øll tey mongu gloyma,

sum ikki kenna tað?

Nei, sig ta søgu góða!

Ei nøkur er sum hon;

lat náðiboðið ljóða

til hvønn fortaptan son!

4. Sum stormur flúgvi Orðið

um hav og fjøll og lond,

til lívsins boð er borið

til havsins ytstu strond!

Skjótt kemur hvílan søta

til tann, sum stríddi her;

ein stutt, ein møðsom løta,

og so hann kransin ber.

*Reginald Heber (Ongl.), 1783–1826.

{Lag 1: Lowell Mason (Amer.), 1792–1872}.

{Lag 2: J.M. Haydn (Eysturríki), 1737–1806}.

(V. Danielsen týddi)

Nr 965 í NSGF 2015