Uppskot um missálit á Ingilín D Strøm Landsstýriskvinnu bleiv sett fram fyrrapartin og viðgerðin byrjaði kl. 11:40 Eftir orðaskifti í 5 tímar, valdi Ingilín D Strøm at biðja Aksel V Jóhannesen loysa seg úr starvi. Tí endaði orðaskifti og óneyðugt var við atkvøðugreiðslu.

Málið var um at Ingilín skuldi hava sagt ósætt á Løgtingsins røðarapalli. Hetta var áðrenn summarferiuna. Málið bleiv kært til Landsstýrismálanevndina og hóast umsitingin var greið og segði, at Ingilín hevði sagt ósætt, so ynskti landsstýrismálanevndin at seta kanningarstjóra.

Andstøðan setti fyrrapartin fram misálit. Røðurnar hjá Erling Ejdesgaard og Liljan Weihe góðu greiða ábending um at tey fóru at atkvøða fyri missálitinum. Helst var tað orsøkin til at Ingilín D Strøm valdi at biðja Løgmann loysa seg úr starvi.

Løgmaður sendi kl. 16:30 út hesa fráboðan

Landsstýriskvinnan í umhvørvismálum loyst úr starvi
 
 
Landsstýriskvinnan í umhvørvismálum, Ingilín D. Strøm, hevur boðað løgmanni frá, at hon ynskir at verða loyst úr starvi, sbr. stýrisskipanarlógini § 29 stk. 1.

Løgmaður hevur eftirlíkað hennara umbøn.

Sambært fráboðan nr. 164 frá 22. desember 2022 um býti av málsøkjum landsstýrisins millum landsstýriskvinnurnar og landsstýrismenninar, sum seinast broytt við fráboðan nr. 73 frá 18. juni 2024, § 55 stk. 3, røkir løgmaður fyribils umhvørvismál.