Í Fíggjarlógaruppskotinum fyri 2025, lesa vit á síðu 182 at æltanin er at kanna um samband er millum laksaaling og støddina á upsastovninum.

R7 spurdi í vinnumálaráðnum og har fingu vit at vita at verður uppskotið samtykt, so ætla tey at gera nakað við hetta. Men tey hava ikki avgjørt hvat skal gerast og hvussu tað skal gerast. Tey bíða við tí, til Løgtingi hevur samtykt játtanina. 

Orsøkin er, at møguligt samband hevur verið umrøtt fleiri ferðir og tey tí meintu, at tað var áhugavert at kanna.

Teksturin í uppskotinum er hesin:

6.36.1.06. Gransking innan aliøkið (Stuðulsjáttan)
Ein partur av tøkugjaldinum frá alivinnuni verður raðfestur til at granska, m.a. avleiðingarnar, sum
aling hevur fyri vistfrøðina á føroyskum firðum, áum o.s.fr.
Í 2025 verður upphæddin oyramerkt til verkætlan at kanna, um samanhangur er millum laksaaling og
støðuna hjá upsastovninum undir Føroyum, og til verkætlan hjá Føroya Sílaveiðufelag at betra um
umstøðurnar hjá felagnum at seta út fisk í føroysku áunum. Frameftir er ætlanin, at játtanin verður
flutt Granskingarráðnum at umsita, men í 2025 umsitur ráðið játtanina. í 2025 eru 2 mió. kr. raðfestar
til økið.