Franska stjórnin tapti avgreiðsluna í dag. Tað var helst vænta. Men samstundis er støðan í Frankariki vánalig. 

Sambært franskari lóg, ber ikki til at hava nýval fyrr enn á sumri næsta ár. Sostatt noyðis Macron at finna nýggja stjórn.

Støðan tykist trupul. Røddir eru eisini frammi um at koyra Macron frá, hóast hann er valdur og situr til 2027.

Orsøkin til kreppuna er, at statskassin manglar DKK 450 milliardir, sum skuldu útvegast við sparingum og skattahækkingum. Men ongin semja fekst um hetta.

Eisini telur við, at Macron gjørdist rættuliga kreativur tá parlamentsval var í Frankaríki fyrr í ár.

Í løtuni veit ongin hvat hendir.