1 millard í afturgongd í uppsjóvarvinnuni
Avreiðingarvirði í Uppsjóvarvinnuni lækkar 19% komandi ár. Fyri 2 ár er minkingin 1 milliard. Men tilfeingisgjaldi skal økjast. Og ongin trygd er fyri at prísirnir halda sær
Vit hava hugt eftir avreiðingartølum fyri 2024 og síðan rokna uppá minkandi kvoturnar fyri 2025. Vit hava minka kvoturnar av sild og makreli eftir avtaluni. Men ongin avtala er um svartkjaft. Tann kvotan hevði helst minka 30% um vit gjørdu avtalu.
Avreiðingarvirði í 2023 hjá uppsjóvarskipunum var 2.788 mió. Í 2025 verður avreiðingarvirðið væntandi 1.744 mió. Tað er ein minking á meira enn 1 milliard uppá 2 ár. Minkingin er 37,4%
Umframt hetta er ætlanin at hækka tilfeingisgjaldi. Manningin luttekur í gjaldi av tilfeingisgjaldi. Hetta viðførur, hýrurnar minka rættuliga nógv og rættuliga skjótt.
Sum nevnt omanfyri kann roknast við at neyðugt verður at gera semju um svartkjaft og tá minkar okkara partur umleið 1/3. Meðan svartkjaftakvoturnar kunnu væntast at verða rímuliga stórar, í søguligum høpi, er verri við silda- og makrelkvotunum. Vit hava hoyrt onkran sum samráðist siga at sildin kann blíva burtur um heilt fá ár. Makrelstovnurin sær út til at minka og kann roknast við munandi minking komandi árini.
Útlitini í uppsjóvarvinnuni eru tí alt annað enn góð.
Vit hava gjørt yvirlit yvir veiðuna í 2025. Hetta er við støði á tí veitt er higartil í ár, sambært uppgerð hjá Vørn. Onkir skip fiska framvegis og allar avreiðingar eru tí ikki við. Vit hava síðan minka avreiðingarvirði í mun til minkingina í hvørjum fiskastovni sær. Eisini eru menningarkvotur og annað, sum broytist árliga. Men samlaða talið broytist tó ikki av hesum.
Sum talvan vísur, so er sera ójavnt hvussu stór afturgongdin er hjá einstøku skipunum. Tað er tí tað er ymiskt hvussu nógv hvørt skipið hevur av hvørjum fiskaslag. Legg eisini merki til at 3 skip eru nevnd 2 ferðir, tí tey hava skift navn.
Vit vita ikki hvussu verður við fiskaprísinum. Men stórin á Bakkafrost svaraði spurningi í samband við framløguna av roknskapinum fyri 3 ársfjóðring og nevndi at hann roknaði við at prísurin á alifóðri fór at lækka.
Afturgongdin er stór. Men tað tykist ikki sum politiska skipanin sær skriftina á vegginum. Tilfeingisgjaldi hækkar, fyri at minka um undirskoti hjá Landskassanum.
Vit eru á leið har, at hýrurnar ikki eru góðar. Vit eru har, at nýggju aktørarnir hava trupult við at gjalda rokningar. Vit eru har, at stóru aktørarnir ikki forrenta nýggju skipini.
Í staðin fyri at vinna og politikarar finna felags loysn, spæla vit politikarar og vinnu út móti hvørjum øðrum. Seinast var tað fyri at deila virðir.
Hesaferð endar onkur og helst fleiri við ongum.
Mest lisið í farnu viku
679 lúsakanningarferðir í 2024
Andakt
Bilasølan hálvera síðan 2019
Elmarknaðurin skal seta ferð á grøna orkuskiftið
Hoyringsskriv viðvíkjandi ætlanini at skerja veiðidagar eftir sjófugli
Landsstýrið hevur tikið eitt lán á 350 mió.
Meiriluti av grønlendarum ynskir at blíva partur av USA
Methøgir sethúsaprísir í 2024 og gongdin heldur helst fram
Nýggi Høgaberg verður latin Framherja í næstum
Nýggj nevnd í Mentanargrunninum
Nærkast nú teimum 6.000 harunum
Rætta sjálvstýriskósin sett
Rættleiðing til “Brotsvarpið”
Soleiðis leggja tey klæðir saman
Torbjørn Jacobsen manipulerar Føroya fólk
Útflutningurin av lýsi og fiskamjøli minkaður 908 milliónir
Samband
Heygsvegur 8
490 Strendur