Miskunnsamur og náðigur er HARRIN, langmóðigur og ríkur í mildleika. Sálm.103.8.

Nei, sum himmalin er høgt yvir jørðini, er náði Hansara stór yvir teimum, ið óttast Hann. Sálm.103.11

Men náði HARRANS varir frá ævunum til ævirnar. Sálm. 103.17.

Tað er náði HARRANS, at tað er ikki úti við okkum, hon er ikki uppi enn. Hon er nýggj hvønn morgun, stór er trúfesti Tín. Sorg.3.22-23.

Harrans mildleiki, miskunn og náði. Hvussu nógv? Rík! Hvussu stór? Sum himmalin er høgt yvir jørðini! Hvussu leingi? Frá ævunum til ævirnar! Hon er keypt okkum ígjøgnum kross Hansara. Hvør mangan hava ikki brek okkara í farna ári fingið okkum at trekkja uppá  henda mildleika, hesa miskunn og og hesa náði! Var tað ikki tí, at tey eru ríkilig, so hevði tað vissuliga verið úti við okkum. Tó – tá vit vakna í morgin og fara á føtur, so skulu vit uppdaga og sanna, at tey eisini eru nóg mikið fyri árið fyri framman!

Úrvalt - Páll Poulsen týddi úr enskum

Stór er tín trúfesti, á, Gud, mín Faðir,

tað er ei broytandi skuggi hjá tær.

Kærleiki botnleysur, ómáld tín náði;

tú ert hin sami, sum áður tú var.

Niðurlag: Stór er tín trúfesti,

stór er tín trúfesti,

nýggj hvønn ein morgun er náðin frá tær.

Alt, ið eg njóti, frá tær er tað komið,

stór er tín trúfesti, Harri, mót mær.

2. Summarið, veturin, várið og heystið,

sólin og mánin og stjørnurnar við,

náttúran eisini prógvar hitt sama:

Gud er í trúfesti við vára lið.

3. ...

*Thomas O. Chisholm (Amer.), 1866–1960.

{Lag: William M. Runyan (Amer.), 1870–1957}.

(Líggjas á Váli týddi).

Nr.18 í NSGF 2015