Sølan av persónbilum er ofta brúkt sum barometur fyri búskapargongdina.

Sølan av bilum er seinastu árini lækka sera nógv. Flest bilar vóru seldir í 2019. Tá keyptu vit 2220 bilar. Síðan er sølan lækka og í 2024 er sølan umleið helvtin av tí hon var í 2019. Seinasta ár keyptu vit bara 1156 bilar.

Frá 2016-2021 keyptu vit umleið 2000 bilar árliga.

Bilar kosta nógvar pengar og tí ávirka framtíðar útlitini áhugan at gera stórar íløgur. Tí verður ofta sagt, at bilasølan er barometir fyri framtíðar útlitum. Í 2008-2011 var meira ella minni kreppa í Føroyum. Tá minkaði bilasølan eisini og tá tað aftur gekk framá, so øktist bilasølan.

Í hesum døgum ger hagstovan kanning, har teir spyrja fólk um teirra meting av framtíðarútlitunum. Eisini verður spurt um fólk ætla at gera stórri keyp/íløgur.

Sølan av persónbilum seinastu 20 árini