“Reisist, latið okkum fara hiðani!“ Jóhs. 14.31

“Reisist, latið okkum fara!“ Matt.26.46

Tá Harrin endaði tænastu Sína í salinum í erva, segði Hann: “Reisist, latið okkum fara hiðani!“

Tíðin var komin at fara víðari út harfrá og til Oljufjallið. Teir fóru yvir um Kedrons løk og tóku leiðina niðan til Getsemane.

Hann lat fylgjarar Sínar eftir at vakja, biðja og sova, meðan Hann fór eitt sindur longri at biðja og gráta.

Í garðinum á Oljufjallinum bað Harrin aftur fylgjarar Sínar og segði “Reisist, latið okkum fara!“

Hetta stigið fór at føra frelsara okkara til Golgata og haðani upp í dýrdina.

Úrvalt - Páll Poulsen týddi úr enskum

Meðan breyðið her vit bróta,

lat várt eyga upp at sjá

blóðið títt á trænum flóta

og tað spott, ið tú bart tá!

Harri, á, at alt tú toldi!

Vit nú minnast á títt stríð,

alt tað, sum vár synd tær voldi,

nú vit savnast navn títt í.

2. Síðsta møti títt við tínum,

tíni spor um Kedrons á,

alt tað mál av kvøl og pínum,

sum á tínum hjarta lá,

tíni neyðarróp á krossi,

har tú hekst til spott og spæ,

minnast vit á hesum plássi

við tilbiðjan henda dag.

*Miss Carter.

{Lag: James Langran (Ongl.), 1835–1909}.

(V. Danielsen týddi).

Nr.631 í NSGF 2015