„Hyggið maðurin!“ Jóhs.19.5

Maður skal koma. Zak.6.12

Hesin setningur, Jóhannes gevur okkum, er søga. Í Zakariasi er tað profeti! Í Jóhannesar Evangelium er Pilatus umboðsmaður fyri menniskjaligt stýri, sum setur Harran Jesus fram fyri mannamúgvuni.

Í Zakariasi profeti, er tað Gud Faðirin, sum setur komandi Kongan fram fyri heiminum.

Í fyrra førinum húðflongdu hermenninir Harran, spýttu á Hann, lótu Hann í ein purpurkappa og krýndu Hann við eini tornakrúnu. Teir háðaðu Hann og søgdu: „Heilur – kongur Jødanna!“  Jóhs.19.3.

Í seinnu sjónini varð Harrin sýndur klæddan í dýrd og hátign, Honum verður givin ein kongakrúna, og Hann situr og stjórnar á einum hásæti, Zak.6.13.

Hvør ein munur!

Úrvalt - Páll Poulsen týddi úr enskum

Var tað fyri meg, bert fyri meg,

at Jesus gekk hin tunga veg

og sligin, tornakrýndur varð –

var tað fyri meg, hann krossin bar?

Niðurlag: Ja, fyri meg, alt fyri meg –

á, stóri ríki kærleiki!

Eg lovsong syngja vil til tín,

tú doyði, Jesus, Kongur mín!

...

*John M. Whyte (Amer.), f. 1850.

{Lag 1: John M. Whyte}.

{Lag 2: A.H. Mann}.

(V. Danielsen týddi).

Nr.198 í NSGF 2015