Philip Lund kom undan kappingarárinum til B36, har hann eisini var við til at tryggja árstalsfelagnum FM-heitið í 20015, men tað hevur ikki gingið eftir vild hjá framherjanum.

Áhaldandi trupulleikar við skaðum hava gjørt, at partarnir báðir eru komnir ásamt um at steðga samstarvinum, kunngerð B36 á heimasíðu sínari. Seinasti skaðin, ið kom í síðsta dystinum undan summarsteðginum móti EB/Streymi, fekk bikarið at flóta yvir.

- Hetta er ikki haldbært í longdini, og tað er djúpt frustrerandi hjá mær, at eg havi spælt somikið lítið. Eg eri komin til B36 fyri at spæla fótbólt, og tá nyttar tað einki, at eg siti uttanfyri við skaða størsta partin av tíðini. Nú merkti skaðin eisini, at eg ikki fekk spælt evropeiskan fótbólt, ið annars var ein uppliving, sum eg gleddi meg sera nógv til, sigur Philip Lund sambært B63.fo.

- Sjálvur eri eg komin til ta nðurstøðu, at tað tænir øllum pørtum best, um samstarvið steðgar nú, og leiðslan í felagnum hevur gingið mær á møti í hesum, leggur hann afturat.

Tekniskt sterki danin hevur bert spælt góðar 500 minuttir í Effodeildini í ár, og formaðurin í B36 harmast um, at kappingaráriðhjá dananum ikki hevur livað upp til vónirnar.

- Hetta er tí ein harmilig støða fyri bæði spælaran og okkum, men samstundis er hetta kanska tað, sum tænir pørtunum best, sigur Rúni H. Olsen.