Talan er um teir báðar, Christian Høgna Jacobsen og Boga Abrahamsson Løkin, ið sambært Norðlýsinum verða partur av hópinum hjá NSÍ restina av kappingarárinum. Teir eru báðir fluttir aftur til Føroya úr Danmark, og hava hava fingið eftirlíka ynski um at sleppa at spæla í barndómsfelagnum.

- Teir hava ynskt at sloppið aftur til barndómsfelagið at roynt seg. Teir vera partur av venjingarhópinum restina av árinum og so mugu vit síggja, hvussu langt tað røkkur, sigur Eyðstein Skipanes, ítróttarstjóri í NSÍ, við Norðlýsið.

Sostatt er óvist, hvussu stóran leiklut teir báðir fyrrverandi landsliðsspælararnir fara at fáa á Effoliðnum hjá Anders Gerber, ið kempar um FM-heitið. Bogi Abrahamsson Løkin hevur verið illa darvaður av skaðum seinastu árini, meðan Christian Høgni Jacobsen ikki júst er nakar unglingi við sínum 37 árum.