Fuglafjarðar kommuna hevur gjørt av at byggja nýggjan skúla, og í tí sambandinum verður gamli parturin av skúlanum tikin niður. Hesin parturin er frá 1936.

Í hesum sambandinum verður opið hús í Fuglafjarðar skúla í dag frá klokkan 16 til 17.

Sonni á Horni, borgarstjóri, fer at halda røðu og kommunan bjóðar kaffi og køkur og okkurt til børnini. Høvi verður eisini at ganga runt í gamla skúlanum og minnast aftur á gamlar dagar, og at síggja barnalistina á veggunum eina seinastu ferð, sigur kommunan.

Nýggi skúlin í Fuglafirði skal eftir ætlan verða liðugur á sumri í 2020.