Hóast tað bara eru tvey ár síðani at kommunan hevði grundøki til sølu, so er áhugin ógvuliga stórur fyri at byggja hús í Kvívík. Í dag eru 26 fólk, sum eru á bíðilistanum til grundstykkið. Stóri áhugin kemst helst av, at kommunan liggur beint við høvuðsstaðin, at ókeypis pláss eru á dagstovninum, og nógv annað. Ætlandi er, at fyrstu grundøkini eru tøk eftir Ólavsøku í 2018.
Fyri tey sum ikki hava tol at bíða, eru enn trý grundøki tøk í Leynum, har prísurin fyri planerað grundøki er undir 200.000.kr.

Kelda: Kvívíkar kommuna