Heilt høgar inntøkur koma og fara
- Ljóðbrot úr sendingini "Andøvsløtan" Eitt gott við marknaðarbúskapi, kapitalismu og fólkastýri er, at fólk flyta skjótt millum inntøkubólkar, t.e. at mobiliteturin er stórur, skrivar danski CEPOS.
Bert tey fæstu fólkini eru læst føst í einum og somu inntøku yvir longri áramal. Tað gera vit okkum sjáldan greitt, tá vit hugsa um, hvussu nógv vit og onnur tjena.
Vit halda at tey ”ríku” hava altíð verið, eru og verða ”rík”, og sama við teim ”minni múgvandi”, hóast tey eru lukkutíð so fá. Tó nøkur duga betur og og leggja meiri orku í at savna sær góðs og garðar.
Grundtvig yrkti: ”Da er i visdom vi kommet så vidt, at få har for meget og færre for lidt”. Men so er ikki í øllum londum.
Í Danmark vísa kanningar hjá granskingarstovuni CEPOS, at tað eina prosentið av dønum, ið forvinna mest (Topp 1% á inntøkustiganum) koma og fara næstan sum vindurin blæsir.
Men tá bert 3 ár eru farin, so er bert helmingurin eftir av teimum við stórum inntøkum.
Ein hagfrøðilig útrokning grundað á skattatøl vísti 41.000 danir í topp 1% av landsins inntøkum í 2011. Árið eftir vóru 12.000 av teim farin niður í inntøku.
Í 2014 vóru bert 21.000 av teimum, ið mannaðu topp 1% inntøkubólkin í 2011 eftir, og tilsvarandi tal klatrað upp í toppin.
Í 2015 vóru bert 18.000 fólk (gott 40%) eftir í toppinum av teimum upprunaligu 41.000,
Nøkur føroysk yrki, serliga fiskivinnan, hevur stak skiftandi inntøkur. Handils-, handverks- og tænastuvinnan geva eisini skiftandi inntøkur, serliga um búskapinum gongst væl ella illa.
Tey, ið hava mest støðugar inntøkur, munnu vera miðal bólkurin, í Føroyum 200.000 til 400.000. Hesi arbeiða mong í almenna geiranum fyri fasta og tryggja løn, ið broytist lítið gjøgnum eitt mannalív.
Í USA vísti ein kanning, at bert 15% av millióningum hava arvað sítt $1mió. Hini 85% av miljóningum til eina og hvørja tíð hava tjent peningin uttan arv.
Mest lisið í farnu viku
Samband
Heygsvegur 8
490 Strendur