Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Aftursvar til Símun Absalonsen

Innanlands, Lesarabrøv | 10/10-2017 16:13

Í tíðargrein í Sosialinum undir yvirskriftini “Karaktermorð fyri almennar licenspengar?” viðger Símun Absalonsen, statsaut. revisor, tíðindaflutningin hjá Kringvarpi Føroya um skattamálið hjá Betri Banka.

Símun eftirlýsir eina eftirmeting av leiklutinum hjá KVF. Ein uttanhýsis eftirmeting er longu gjørd av fyrstu dokumentarsendingini um málið, nevnd “Skattamálið”, tí Betri Banki kærdi KvF til Fjølmiðlanevndina. Niðurstøðan hjá Fjølmiðlanevndini í desember 2016 var, at grundarlag var ikki fyri at geva KvF átalu, hóast sendingin sambært nevndini til tíðir kann tykjast eitt sindur eintáttað.

Meginparturin av tíðargreinini er ein skattatøknilig viðgerð av málinum, soleiðis sum greinaskrivarin sum grannskoðari sær málið. Tíðargreinin umrøður tó eisini viðferðina, sum Kringvarpið hevur givið trimum av høvuðspersónunum í málinum, Súna Schwartz Jacobsen, Jørn Astrup Hansen og Eyðun Mørkøre. Pástandurin er, at KvF pallsetir teir tríggjar høvuðspersónarnar sera ymiskt. KvF fer í næstum at gera eina innanhýsis eftirmeting av dekninginum av hesum málið, har sjónvarpaðu samrøðurnar við teir tríggjar høvuðspersónarnar eisini verða viðgjørdar. Yvirskipað kann tó longu nú sigast, at sjónvarpaðar samrøður verða skipaðar á ymiskan hátt alt eftir leiklutinum hjá tí, ið verður interviewaður. Tí nýtist einki forgjørt vera í, at samrøðurnar við teir tríggjar persónarnar bróta frá hvørjum øðrum.

Tíđargreinin endar við eini ákæru ímóti KvF um at bróta kringvarpslógina. Hetta er ein somikið álvarsom ákæra mótvegis stovninum, at eg sum stovnsleiðari ikki kann hava hana standandi uttan neyvari viðgerð. Serliga ikki, tá eg sum nýsettur kringvarpsstjóri havi sum eitt av aðalmálum mínum at styrkja trúvirði stovnsins. Í samráð við stýrisformannin fyri KvF havi eg í tí sambandi samskift við Fjølmiðlanevndina, hvørt tey koma at viðgera ákæruna um lógarbrot frá Símuni Absalonsen. Sambært lógini um fjølmiðlaábyrgd tekur Fjølmiðlanevndin avgerð í málum, ið viðvíkja brot á góðan fjølmiðlasið.

Einasta ítøkiliga grundgevingin í tíðargreinini fyri, at KvF skal hava framt lógarbrot er, at høvuðspersónarnir í sonevnda Skattamálinum eru viðfarnir ymiskt av KvF í sjónvarpaðum samrøðum. Óansæð um Fjølmiðlanevndin viðger ákæruna um lógarbrot ella ei, koma vit í KvF at eftirmeta okkara egna tíðindaflutning í hesum máli – eins og vit javnan gera við tíðindaflutning um onnur mál.

Johnny í Grótinum, kringvarpsstjóri


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Tíðindaskriv
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Stefan Løfven fallin
Finskur ráðharri í politiskum ódnarveðri tí hann hevur mótmælt fosturtøku
Nógvur vindur í løtuni - bilur tikin av vindi
Opið bræv til Føroya Landsstýri og Føroya Løgting
Eyðun Mørkøre - øll nýtast ikki at búgva í Havn
Hugnaløtan (34) - Gestur: Jeffri Johannesen
Hava funnið Endeavour hjá James Cook
Skuldsettur fyri dráp
Menningar­kvotur kunnu misbrúk­ast uttan avleiðingar
Leggi ikki í at leggja meg út í orðadrátt við Sonju Jógvansdóttir, tingkvinnu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi