Clinton-hjúnini selt Putin 20% av uraninum hjá USA
Obama var forseti, Hillary uttanríkisráðharri, og Bill Clinton fekk peningin, tá Putin í 2010 ólógliga keypti 20% av øllum urangoymslunum hjá USA.
Uran er tann kemiski málmurin, ið verður brúktur til at gera atomløðingar við. Tí eru kjarnorkulond, eisini USA, gromm eftir at eiga sum mest uran.
Amerikanska blaðið, The Hill, var hitt fyrsta til at avdúka, at Clinton-hjúnini hava tjent 10-tals mió dollarar við at útvega Ruslandi og Putin persónliga heili 20% av tí urani, ið USA hevur ræði á kring heimin.
Í 2010, tá Hussein Obama var forseti, og Hillary Clinton uttanríkisráðharri, søkti og fekk eitt amerikanskt urannámsfelag, Uranium One, loyvi frá Uttanríkisráðnum at verða selt einum russiskum íleggjara umvegis.
Ein av njósnarunum hjá FBI í russiska kjarnorkuídnaðinum smettaði, at starvfólk í ídnaðinum høvdu víðfevnt ólógligt virksemi kring heim og í USA við at mutra, trýsta og svika seg til størri ávirkan á amerikanskar urangoymslur.
FBI fekk skjalprógv um, at almennir russiskir embætisenn í uranídnaðinum høvdu ávíst $ 145 mió í smáum í sonevnda Clinton Foundation, og at Bill Clinton helt fyrilestrar í Ruslandi fyri miljóna upphæddir í samsýning.
Samstundis trýsti Hillary á tænastumenn í Uttanríkisráðnum, so teir skrivaðu undir loyvi til, at Rusland keypti seg inn í amerikanska felagið, Uranium One. Tá hon so varð spurd um málið, leyg hon sum vant um sín og mansins leiklut.
Trupulleikin hjá USA er nú, at ein stórur eigari í amerikansku uranvinnuni eitur Vladimir Putin, ið nú kanska er heimsins ríkasti maður av slíkum brøgdum.
Nú verður ein kongresshoyring, og tá væntast vitni at leggja fram frásagnir undir eiði, sum frammanundan hava bundið seg til avgerandi avdúkingar av Hillary og Bill Clinton aftur fyri linari revsing í komandi rættarmálum.
Nú eru eisini komin upp prógv um, at demokratiska floksnevndin hevur goldið einum bretskum njósnara milliónir fyri at mutra russiskar politikar og hakkarar fyri at finna fram skjøl í Ruslandi, sum í 2015 og 2016 kunnu prógva, at Trump brúkti russar til at leka skjøl frá Wiki-leaks at avgera valúrslitið í fjør.
Mest lisið í farnu viku
Samband
Heygsvegur 8
490 Strendur