Ófriður í India av at ein “guru” fær 20 ára dóm fyri neyðtøkur
Indarar eru flestum kunnugt religiøs fólk. Talið á átrúnum í India er stórt. Tað yðir av hindu-sektum, sum kappast og berjast um fjepparar........
172 mió muslimar búgva í India. Mótsett indarum trúgva teir bert á ein gud, men klandrast og drepast minst líka nógv sum fanatiskir hinduar.
Summarið var ófriðarligt í Punjab og Haryana, har ískalt er millum islamar og hinduar. India hevur ræðið á Punjab, har javnbýti er millum islam og hindu, og sum islamska Pakistan krevur at fáa minst helvtina av.
Ein størri hindusekt eitur Dera Sacha Sauda, og leiðari hennara kallar seg sjálvan ein “gudsmann”, men hann eitur altso Gurmeet Ram Rahim Sing.
Hvat annað kann sigast um henda guru, er hann ikki júst bráðvakur í ásjón. Hann fær Rasputin at síggja út sum Marilyn Monroe.
Skeggið á Gurmet Sing er so stórt, at tað mátti verið frægasta prógv ímóti ákæruni, hann júst er dømdur 20 ára fongsul fyri at vera sekur í.
Men hvussu var og ikki, so fekk guruin 20 ára treytaleysan fongsulsdóm fyri at hava neyðtikið 2 av sínum kvinnuligu fjepparum.
Mótmælini móti dóminum vóru so hørð, at sjálvan dómsdagin lótu 38 fólk lív.
Dera Sacha Sauda sektin sigst telja 60 mió fólk, t.e. sum búgva í Fraklandi.
Til tess at fyribyrgja, at øðin hjá Gurmet Sing tilbiðjarum breiddi seg um alt Punjab og Haryana, vórðu 1.000-tals løglreglumenn settir á varðhald.
Ein fittan part av sumrinunum hevur útigongubann verið í hesum stóru og fjølmentu indisku statum.
Eftir øllum at døma eru religiøsir indarar og pakistanar ikki slopnir burtur úr teirra religiøsu spennitroyggjum, sum higartil hava kostað miljónir mannalív.
80 mió indarar doyðu tey 500 árini, islamar kríggjaðust fyri at umvenda India.
Ensktmæltar avísir kalla henda indiska “gudsmann” “The Guru of Bling”, ikki júst nakað smikrandi navn. Men hann ber seg ikki serliga smikrandi at móti sínum kvinnuligum tilbiðjarum, sum hann tískil er fongslaður fyri í 20 ár.
Mest lisið í farnu viku
Samband
Heygsvegur 8
490 Strendur