Óla Jákup Jensen var úr Kvívík og var formaður felagsins - í trimum tíðarskeiðum - í tilsamans 8 ár. Fyrsta skeiðið var frá 1937 til 1940, síðani í 1944 og 1945, og eisini árini 1953 til 1957.

Óla Jákup legði formansstarvið í Føroya Skipara- og Navigatørfelag frá sær, tá hann í 1957 varð valdur til landsstýrismann fyri Fólkaflokkin. Árini 1943-1945 var hann løgtingsmaður fyri Fólkaflokkin í Norðstreymi.

Í 1960 lat Óla Jákup Jensen, saman við synunum, byggja línuskipið Gamli Andrass, og í 1964 bygdu teir Leik, sum var fyrsta føroyska fiskifarið við tvídekki.

Óla Jákup Jensen var í nevndini, sum skrivaði álitið um endurnýggjan av fiskiflotanum.