Vørn og Fiskimálaráðið hava tikið veiðuloyvi frá Atlantshavinum, sum nú eitur Norðhavið. Eigari er p/f Northwestpelagic. Tað var fyrr heimahoyrandi í Miðvági og er nú heimahoyrandi í Kollafirði.

Grundgevingarnar eru sera fløktar. Tað sær út til at grundgevingarnar eru broyttar fleiri ferðir. Somuleiðis er orsøk at halda at upplýsingar fiskimálaráðið styðjar seg til eru ivasamar.

Í stuttum er søgan at felagið samstarvar við Hollenskt felag, sum kallast Jaczon. Tað er eitt stórt felag. Og í 2015 var ætlanin at flyta loyvir úr felagnum yvir í annað felag. Hetta var gjørt, uttan at minnilutaeigarin, Jaczon visti av. Hetta bleiv tó steðga í seinastu løtu við hóttan um konkurs, sum ivaleyst var einasti máti at steðga flytingini av fiskiloyvinum. Maðurin, stó við diskin, við umsøknini, tá tað bleiv steðga. Men tað søguna greiða vit nærri frá eina aðru ferð.

Hetta er eitt langt mál, sum lagt fyri rættin. Stevningin er 638 síður, so tað verður ein longri greinarøð burtur úr hesum. Og vit kunnu avdúka at nógv ymiskt er, sum onkurvegna átti at verið øðrvísi.

Ivasamar upplýsingar undir revsiábyrgd

Eitt tað sum undrar eina mest er at fyrrverðandi partaeigarin tann 14/12-2015 váttar at eigaraviðurskiftini eru sambært galdandi lóg. Slík váttan verður gjørd undir revsiábyrgd. Í skjalinum er upplýst, um avleiðingar av at lata ósannar ella villeiðandi upplýsingar ella at halda aftur upplýsingar. Somuleiðis standa §161-§163 í revislógini á hesum sama skjali, sum nevndarlimir, stjóri og advokatur hava undirskriva.

Tað sum vátta verður er: Talan er eisini um at vátta at eingi onnur viðurskifti millum núverandi sum fyrrverandi lánveitara og partaeigara, so sum, garantiir, veðseting, kautión o.s.fr. sum áseta skyldur millum partaeigaran og sum kunnu hugsast at hava ávirkan a avgerðar- og/ella ognarrættin í feløgunum. (beinleiðis úr váttanarskjalinum)

Hetta er rættuliga greitt.

Men síðan hava vit fingið innlit í fundarfrágeiðing úr fiskimálaráðnum, datera 3/5-2016.

Har siga gomlu eigararnir at handfaringin av málinum hjá minnilutaeigaranum er í stríð við §7 í lógini um vinnuligan fiskiskap. Í fundarfrágreiðingini stendur: HTT segði, at handfaringin av málinum, sum Jaczon hevði framt mótvegis DJ, er ikki í tráð við avtalulógina og ei heldur í tráð við §7 í lógini um vinnuligan fiskiskap.

Út frá hesum sæst, at í 2015 váttar eigarin, undir revisábyrd, at útlendingar ikki hava ræði á felagnum. 6 mánar seinni upplýsir eigarin tað mótsætta.

Vit hava sent fiskimálaráðnum teldupost, har vit spyrja um Fiskimálaráðið hevur viðgjørt hesar upplýsingar og kanska sent  hesar upplýsingar til avvarandi mynduleika. Vit vænta at fáa svar, men vita sjálvandi ikki nær tað verður.

Meira verður at frætta um hetta mál í næstu viku.