Frakland fer við lóg at revsa kynslig ókvæmsorð
Franski forsetin boðar frá eini lóg, ið ger tað revsivert at brúka kyns-grundað ókvæmisorð, “geilatík” ella “horkallu”r, ella útspilling millum kvinnur og menn.
Fransar eru ikki seinir í vendingini, tá tað snýr seg um at lógarfesta slíkt, ið fólk flest rokna sum fjant og fjas. Men eingin tekur frarnsar í at vera PC.
Franski forsetin, Macron, røddi í París tann sonevnda “Altjóða Dagin fyri Avtøku av Harðskapi móti Kvinnum” (ja, so kallast eisini ein dagur).
Macron boðaði frá, at í 2018 verður ein lóg løgd fyri Tjóðartingið og samtykt, sum bannar kvinnum og monnum brúka ókvæmisorð millum kynini.
Persónur, ið spillir út eftir kyni, verður hereftir revsaður við sekt.
“Latum okkum gera eina javnstøðu-pakt millum menn og kvinnur,” røddi forsetin. “Kynsgrundað útspilling verður revsað eftir lóg. Tann, ið særir, verður sektaður, so at hann gevst,” ljóðaðu tey djúphugsnu orð forsetans.
Eisini segði Macron, at ein minsti aldur verður lógarfestur fyri kynsligt samtykki. Macron heldur 15 ár vera hóskandi lægsta mark fyri kynsligari samveru. Onnur vilja fara niður á 13 ár sum minstamark fyri samlegu við samtykki.
Nógvir politikarar halda tað vera púra burturvið, at løgreglan og rættarskipanin skulu spilla dýra rættartíð til at revsa fólk, tí tey brúka skendsk kynsgrundað orð um hvørt annað. Løgreglan klárar sum er ikki at halda lóg og landaskil.
Eitt franskt blað skrivaði, at harðskapur móti kvinnum eigur at verða revsaður, og verdur at brúka pening og kreftir til at sleppa undan.
Flestøll munu vera samd um tað, eisini uttan fyri Frakland.
Men um Francois kallar Jeanette eina “geilatík”, ella Jeanette kallar Francois ein “horkall”, eigur ikki at seta eitt heilt rættarmál í gongd, har dómur og sekt eru avgjørd frammanundan,” legði avísin aftrat (eitt sindur umskrivað).
Mest lisið í farnu viku
Samband
Heygsvegur 8
490 Strendur