5-stjørnurørslan í Italia fingið nýggjan leiðara
Ikki bert eysturríkski konservativi Fólkaflokkurin hevur fingið 31 ára gamlan leiðara og forsætisráðharra, men eisini italska “5-stjørnurørslan”, hvørs leiðari og floksins stovnari, Beppe Grillo (nú 70 ár), víkir sæti fyri yngri fólki.
Ein trupulleiki hjá Beppe Grillo er, at hann er landskendur sum skemtari á palli, út- og sjónvarpi, og verður tí kanska ikki tikin í fullum álvara av øllum. Grillo er ólíkur øðrum politikarum, tí hann viðurkennir sína avmarking.
Nýggi floksformaðurin er bert 31 ára gamal og sær út sum ein filmstjørna. Grillo hevur arbeitt nógv við at fyrireika sín eftirmann til italskan statsleiðara.
Luigi di Maio vissar italienar um, at 5-Stjørnurørslan er ikki ein populistiskur flokkur, sum flákrar frá einum sjónarmiði til annað, men byggir sína stevnu á miðveljarar, ið helst vilja hava vanligt vit og skil til at ráða í italskum politikki.
Mest lisið í farnu viku
Samband
Heygsvegur 8
490 Strendur