Dýrasta oljan síðani summarið 2015
Prísurin á Norðsjóvarolju var í gjár tann hægsti í hálvttriðja ár, eftir at leki kom á eina rørleiðing, sum flytur umleið eina hálva miljón tunnur av olju um dagin, so neyðugt varð at steingja rørleiðingina.
Í gjárkvøldið kostaði Norðsjóvarolja 65,68 dollarar fyri tunnuna. Hetta er tað mesta síðani 24. juni 2015.
Sambært CNBC er høvuðsorsøkin ein leki í eini rørleiðing hjá Forties í Norðsjónum, bretsku megin landgrunnin.
Fyristøðufelagið hevur nú stongt leiðingina, sum flytur útivið 40 prosent av oljuni úr Norðsjónum til Bretlands.
Vænta upp aftur hægri prís
Meðan rørið verður umvælt vænta serfrøðingar, at trot á svarta gullinum fer at halda fram við at trýsta prísin uppeftir.
John Kilduff er partnari í hedgegrunninum Again Capital, sum serliga virkar á orkuøkinum.
Hann heldur, at avleiðingin av rørbrekinum kann verða ein oljuprísur upp á 67 dollarar fyri tunnuna næstu dagarnar.
Roknað verður við, at rørleiðingin verður stongd í fleiri vikur, meðan felagið INEOS, sum rekur hana, umvælir brekið.
Hvønn einasta dag fer tað, sum svarar til 450.000 tunnur av olju, ígjøgnum rørleiðingina.
Mest lisið í farnu viku
Samband
Heygsvegur 8
490 Strendur