Føroyar býta ein part av kvotunum um við onnur lond. Tí er tað soleiðis at broyting í hesum virði frá ár til ár sæst beinleiðis aftur í Føroyska samfelagnum. Eisini er tað soleiðis at útflutningsvirði broytist samsvarandi hesum.

Í 2017 vóru samlaðu uppisjóvar kvoturnar 740.000 tons. Svartkjaftakvotan var 477.000 tons og nógv stórsti parturin av kvotuni.

Í 2018 verða lækka kvoturnar. Serliga tey dýraru fiskasløgini lækka. Makrelkvotan lækkar 20% og Sildakvotan lækkar 33%. Svartkjaftakvotan hækkar 3%. Men av tí at svartkjaftur hevur lágan prís og sild og makrelur høgan prís, so lækkar avreiðingarvirðið 379 milliónir.

Í samanberingini eru brúktir somu prísir. Tað vita vit sjálvandi ikki um tað er rætt. Somuleiðis verður Lodnukvotan fyri 2018 ásett í 2018. Tí er óvissa um støddina.

Minkingin í søluvirði svarar til 18,36% Harumframt er ætlanin at selja 15% á uppboðssølu og 8,5% skal brúkast til menningarkvotu. Tann útrokningin vísur, at tá verður minkingin 38% Og soleiðis sum samráðingarnar um rættindi at fiska við onnur lond hava gingið higartil, so týður alt uppá at minkingin verður enn størri.

Vit kunnu tí siga at nøgdin, sum reiðarar kunnu rokna við at fiska verður 38% lægri í 2018 enn í 2017. Somuleiðis kunnu vit siga, at meðan onnur samráðast um at hækka lønir, vita onnur, at lønin lækkar 38% komandi ár.

 Virði av kvotunum er tilsamans í 2017
  
 
                                  Kr/kg            Tons                          Avreiðingarvirði
 
Svartkjaftur              1,39                 476.900                  662.891.499
 
Makrelur                   6,81                128.645                   876.075.828
 
Norðhavssild            3,53                125.597                   443.357.339
 
Lodna                        5,54                  15.000                     83.100.000
 
 
 
 Virði tilsamans í 2017             2.065.424.666
 
 
 
  
Virði av kvotunum er tilsamans í 2018
 
 
 Svartkjaftur              1,39                 492.801                   684.993.390
 
Makrelur                    6,81                 102.924                  700.912.440
 
Norðhavssild            3,53                   85.043                   300.201.790
 
Lodna                        5,54                   15.000                     83.100.000
 
 
 
 Virði tilsamans   í 2018                                                  1.686.107.620