Argentinski kavbáturin sprongdist eftir 40 millisekundum
Tey 44 fólkini, sum vóru við argentinska kavbátinum ARA San Juan, doyðu eftir einum splittsekundi, tá kavbáturin sprongdist inneftir. "Tey hvørki liðu ella druknaðu. Tey doyðu straks,"stendur í eini frágreiðing um kavbátavanlukkuna frá amerikanska flotanum.
Ein kanning, sum amerikanski flotin hevur gjørt av argentinska kavbátinum ARA San Juan, sum hvarv í november, avdúkar, at kavbáturin sprongdist inneftir og sakk við eini ferð upp á millum 10 og 13 míl og drap manningina, ið taldi 44 fólk, straks.
Ein greining av akustiska signalinum, ið varð skrásett kl. 13.58 GMT 15. november 2017 vísir, at tað “kom frá spreingingini umborð á ARA San Juan á einum dýpi upp á 1275 føtur,” stendur í greiningini sambært einum tweeti frá US Office of Naval Intelligence.
Oyðilegðist eftir 40 millisekundum
Megin, ið varð útloyst, svarar til megina á eini spreinging av 5,6 tonsum av TNT, sum sambært greiningini oyðilegði kavbátin eftir 40 millisekundum. “Tað er helvtin av tíðini, eitt menniskja brúkar at uppfata eina hending”.
Hóast manningin kann hava verið greið yvir, at tað ikki slapst undan eini spreinging, uppfataðu tey ongantíð at tað hendi, skriva greinararnir.
Kavbáturin hvarv stutt eftir, at skiparin hevði boðað frá trupulleikum í elskipanini. Argentina setti í verk størstu leitingina í friðartíð við luttøku av flogførum og skipum úr tíggju londum, men til fánýtis.
Tað var ein altjóða stovnur, ið heldur eyguni við at forboðið ímóti kjarnorkuspreingingum verður hildið, sum boðaði argentinsku myndugleikunum frá, at tey tríggjar tímar eftir síðsta sambandið við kavbátin skrásettu harða ljóðið undir jørð, sum greinarar altso nú staðfesta kom frá spreingingini av kavbátinum.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur