Rækjukvotan í Vesturgrønlandi hækkar
Rækjukvotan í Vesturgrønlandi verður 11.250 tons hægri enn í fjør.
Grønlendska landsstýrið hevur gjørt av, at samlaða rækjukvotan í Vesturgrønlandi í ár verður 101.250 tons.
Hetta eru 11.250 tons meira enn í fjør, tá kvotan var 90.000 tons.
Lívfrøðiliga tilmælið fyri rækjur í Vesturgrønlandi í ár upp á 105.000 tons.
Tað upplýsir landsstýrið í tíðindaskrivi sambært Sermitsiaq.
ES og Kanada fáa sítt
2.600 tons av ásettu kvotuni í ár verða latin ES sambært fiskiveiðuavtaluni við ES, meðan 1.252 tons verða latin Kanada við atliti at skyldunum hjá Grønlandi um at umsita vesturgrønlendsku rækjuveiðuna við atliti at, at bæði Grønland og Kanada eiga stovnin.
Rækjukvotan í Eysturgrønlandi er ásett til 4.300 tons, verður upplýst.
Stovnurin økist
- Lívfrøðiliga tilmælið fyri rækjur í Vesturgrønlanddi í ár vísir framgongd í menningini av rækjustovninum. Tilmælið var bæði í 2016 og 2017 upp á 90.000 tons. Í ár er tað upp á 101.250 tons, verður sagt í tíðindaskrivinum.
Tó verður mælt til ikki at økja samlaðu kvotuna í mun til í fjør við meira enn í mesta lagi 12,5 prosentum. Ein hækking í kvotuni til 101.250 tons er júst tekin um hetta, sigur grønlendska landsstýrið.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur