Hóskvøldið samtykti Tórshavnar býráð fjóðra byggistig av Tórsvølli. Fjóðra byggistig verður liðugt í oktober 2020, tað eru J. & K. Petersen, ið standa fyri arbeiðnum.

Arbeiðið umfatar í høvuðsheitinum at gera vestaru síðu lidna. Samlaði áskoðarakapasiteturin á vestursíðuni verður umleið 1.730. Samlaði kapasiteturin til fótbóltsdyst á Tórsvølli verður tá 4.920 setur.

Hóast Tórsvøllur við hesi útbygging verður liðugt bygdur sum nútíðar altjóða tjóðleikvøllur við øllum neyðugum góðkenningum frá UEFA, so er talan um eitt lítið stadion í altjóða høpi.

Hinvegin er Tórsvøllur helst einasta tjóðarstadion í heiminum, ið rúmar út ímóti 10% av fólkatalinum til ein fótbóltsdyst - og 16% av fólkatalinum til eina konsert.

Kelda: torshavn.fo