Ískoyti til synonymorðabókina?
Í orðabókini hjá miðlunum eitur óeinigheit í bý og bygdaráðum norðan fyri suðuroyarfjørð:
“Politiskar ósemjur”, meðan tað sama fyribrigdið á Tvøroyri verður í miðlunum kallað bygdaklandur.
Her verða øll tvøráfólk stemplaði sum klandursvætti ,tá ósemja er ímillum býðráðslimir ella rættari býráðslim ella enn rættari borgarstjóra og meirilutan.
Í Fuglafirði sat borgarstjórin Sonni á Horni í minniluta ein part av valskeiðinum, tí Dánjal Vang fór úr meirlutanum.
Eg minnist ikki at allir fuglfirðingar blivu skýrdir klandursvætti av hesi ársøk.
Í Havn sat Poul Michelsen sum minnilutaborgarstjóri eina tíð, tí Eliesar Arge fór úr meirlutanum.
Eg minnist heldur ikki, at allir havnarmenn vórðu skýrdir klandursvætti av hesi ársøk.
Sjálvandi ikki!!
Men, okkurt klandursvætti er á Tvøroyri treyðugt so!
Signar P. Dam, Tvøroyri
Mest lisið í farnu viku
Samband
Heygsvegur 8
490 Strendur