Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Skulu heilsurøktarar arbeiða á sjúkrahúsi?

Heilsa, Lesarabrøv | 07/02 18:15
Rakul í Gerðinum, forkvinna í Heilsurøktarafelagnum

Eg sakni at síggja Landssjúkrahúsið søkja eftir heilsurøktarum. Á Landssjúkrahúsinum eru uml 850 starvsfólk, svarandi til 700 ársverk, býtt í 30 ymiskar starvsbólkar.

Okkurt um 20 av hesum ársverkum eru sett við heilsurøktarum. Tað, eg veit, arbeiða 5 heilsurøktarar á hvørjum av teimum trimum sjúkrahúsunum, og áleið 20 heilsurøktarar eru í starvi á Psykiatriska deplinum. Ikki kann sigast, at tað er serliga nógv, men tað er heldur ikki løgið, tá ið tað næstan aldrin verður søkt eftir heilsurøktarum til okkara heilsuverk. Heldur ikki, tá heilsurøktarar við teimum gomlu útbúgvingunum fara frá fyri aldur, verður søkt eftir heilsurøktarum fyri tey. Hetta er eitt óhugnaligt rák, vit hava upplivað seinastu mongu árini, at ein heilsufakbólkur soleiðis verður ruddaður út úr sjúkrahúsverkinum.

Tað sum eg standi heilt óskiljandi yvirfyri er, at vit raðfesta heilsurøktarar á útbúgvingarliga økinum við at bjóða útbúgvingina í Føroyum, men vit niðurraðfesta heilsurøktarar á arbeiðsmarknaðinum, við ikki at søkja eftir heilsurøktarum til størv, ið passa saman við teirra fakligu kompetansum. At heilsurøktaraútbúgvingin hevur verið í Føroyum í 10 ár, kann ikki sigast at vera annað enn ein greið ábending um, at hetta er eitt yrki, sum er týdningarmikið og neyðugt í okkara samfelag. Heilsuverkið er ein partur av útbúgvingini hjá heilsurøktarum, við tað, at ástøði og starvsvenjing á sjúkrahúsi krevst fyri at kunna blíva heilsurøktari, tí tað er har, ein partur av yrkisførleikanum liggur. Men tá heilsurøktarin stendur við prógvi í hond og førleikum til at arbeiða við grundleggjandi sjúkrarøkt, sum autoriserað heilsustarvsfólk, tá er tað ikki einum heilsurøktara, ið tørvur er á til seingjardeildirnar. Tað vil siga, at sjúkrahúsverkið er við til at framleiða umleið 20 heilsurøktarar, hvørt ár, men vil, tá tað kemur til stykkis, ikki vita av síni egnu úrtøku.   

Skiljið tann, ið skilja vil.

Rakul í Gerðinum, forkvinna í Heilsurøktarafelagnum


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Nýtt missións­hús verður vígt á Strondum leygar­dagin
Tríggjar útstykk­ingar í Runavíkar kommunu
Jóhann Lützen: Norðlýsið fer ongan veg.
Løgtingslimir eru mest yvirbetaltu starvs­fólk­ini í Landinum
Samrøða við Allan Samuelsen, ein av fyriskip­aru­num til Countryfestivalin 14.- 16. juni í Sørvági
Metár hjá Bakkafrost
Oasubrøður geva fløgu út í komandi viku
Býarmynd hvørvur
Kvinnu­ndirskotið veksur í góðum tíðum
Føroyska sildakvotan lækkar 37.000 tons
Tvøstpakkar
Hugnaløtan 13 - Gestur: Ben Arabo
Ein drápsmaður búði hjá okkum uttan vit vistu ikki av tí
Tvístøða kjaksending 27 - Øll sendingin
Valentine dagur: Treytaður kærleiki til norðingar
15-ára gamal deyður av ecstasy
At vaksa upp við foreldrum við álvarsamari sálarsjúku
Sjónband: Løtan tá VÍF gjørdist steypavinnari 2018
"Kom á 2069" - Sending 26
Ísland kann gerast fyrsta landið í Evropa at banna umskering
Tvístøða kjaksending 27 - Kvinnur hava sambært Bíbliuni skyldu at hava samlegu við sínum maka
Bakkafrost gjørdi spádómum til skammar
Brúgvin 79 - 12. feb. 2018
Íbúð upp á 15 fermetrar fór fyri 2 mió. kr. í Oslo
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi