Í fleiri ár hevur lítla, sosialistiska (og tí dustfátæka) terrorlandið, Norðurkorea, ment og keypt útgerð, mest úr Iran, Ruslandi og Kina, til sjálvt at gera A-vápn.

Teir hava sprongt kjarnorkubumbur undir jørð, sent heglingsæl av rakettum, ið kunnu bera kjarnorkuløðingar, upp í loft, tvørtur um Suðurkorea og yvir ímóti, ja enntá upp um Japan, fleiri 100 km burtur.

USA hevur givið ilt av sær í 30 ár, og 4 forsetar hava goldið kommunistiska yvirgangsliðnum í Pyongyang “loysigjald” aftur fyri lyfti frá 3 ættarliðum av Kim-diktatorum, at nú skuldi vera vell við kjarnorku.

Men gakk, tá terrorstýrið í Norðurkorea hevði søplað burtur dollararnar til fleiri vápn og kjarnorkuútgerð, so byrjaðu Kim-menn aftur at skrambla við vápnum.

Suðurkorea helt andanum, væl vart av USA, ið hevur hermenn og støðir har.

Japanar søgdu ikki so nógv, men fleiri stjórnir í Tokyo hava í áratíggja útvega verjuni hjá sær heimsins mest framkomnu verjuútgerð til flota, flogvápn og her

Kommunistastýrið í Peking hevur eisini vápnað seg í luftini, á sjógvi og landi. Seinastu árini hevur Kina bygt verjustøðir úti á smáum oyggjum og hólmum, ið grannalondini eisini hava kravt sær rætt til at eiga. Men Kina er við yvirlutan

Herfyri frættist, at Japan er farið út at keypa sær vápn, ið røkka Norðurkorea.

Rakettirnar verða settar upp á landi, á herskipum og í flogførum, ið øll kunnu knúsa Norðurkorea sundur, um skráoygdi sosialistiski tálgarbitin í Pyongyang ikki heldur seg í skinninum og tekur sær betri partar fyri.

Japanski búskapurin er ikki nógv minni enn tann kinesiski. Japan er tøkniliga nógv fremri yvirhøvur enn Kina sum heild. Nýggju vápnini hjá Japan røkka yvir 1.000 km móti teim bert 300 km, ið japanskar rakettir higartil hava rokkið.

Japanski herflotin er ein hin sterkasti ikki bert í Asia, men í heiminum. Tað var um reppið, at USA og Bretland bæstu japanska keisararíkinum 1941-45. Tað var tá, og Japan er lutfalsliga nógv ríkari og tískil sterkari nú enn tá.