Nakað av sól í dag
Veðrið frá DMI
Veðurlagið:
Eitt hátrýst, 1030 hPa, yvir Skotlandi flytur seg spakuliga suðureftir, og sendir einstøk brúgvaløg móti Føroyum. Eitt lágtrýst, 1005 hPa, yvir eysturlandinum í Íslandi flytur seg í kvøld eystureftir, og eitt brúgvalag haðani við regni kemur inn yvir Føroyar.
Veðuránirnar:
Andøvsgul til strúk í vindi av vestri og útsynningi, 8 til 13 m/s. Í nátt verður onkrastaðni uppí hvassan vind, 15 m/s. Tað verður nakað av sól av og á, men møguleiki verður eisini fyri smærri ælum. Í kvøld verður samdrigið og í nátt regn. Hitin fer alt samdøgrið at liggja millum 3 og 7 stig.
Veðrið mikudagin:
Andøvsgul til strúk í vindi av útsynningi, 8 til 13 m/s, sum minkar til lot til andøvsgul og ættin snarar í útnyrðing, 3 til 8 m/s. Fyrst verður skýggjað og regn ella sirm, men seinnapartin verður turt fyri tað mesta og nógvastaðni nakað av sól. Í annaðkvøld og hósnáttina verður lot til gul av ymsum ættum, minni enn 5 m/s. Móti morgni frískar hann vindin nakað av suðri. Tá verður mest skýggjað og onkrastaðni mjørki. Hitin fer alt samdøgrið at liggja millum 4 og 8 stig.
Veðrið hósdagin:
Gul til frískan vind av suðri, 5 til 10 m/s, sum veksur til andøvsgul til strúk í vindi, 8 til 13 m/s. Tað verður skýggjað og sum frá líður fer at regna. Hitin fer at liggja millum 5 og 8 stig.
Og veðrið fríggjadagin:
Andøvsgul til strúk í vindi av suðri, 8 til 13 m/s. Seinni verður ættin útsynningur og vestan. Eitt skifti verður frískur vindur til hvassan vind, 10 til 15 m/s. Fyrst verður skýggjað og løtur við regni. Seinni verður klárari, tó verður ælaveður. Hitin fer at liggja millum 5 og 8 stig.
Mest lisið í farnu viku
Samband
Heygsvegur 8
490 Strendur