Aftur í ár verður boðið til páskastevnu í Siloa í Fuglafirði og í Ítróttarhøllini á Kambsdali.

Tær tríggjar samkomurnar Hebron í Leirvík, Filadelfia í Gøtu og Siloa í Fuglafirði skipa fyri møtunum, sum verða frá skírhósdegi 29. mars til páskadag 1. apríl.

Møtini verða hildin undir heitinum “Jesus er trúfastur.”

MØTINI SKÍRHÓSDAG OG LANGA FRÍGGJADAG VERÐA Í SILOA KL. 18:00

Langa fríggjadag kl. 21:00 verður ungdómsmøti í Siloa.

LEYGARDAG OG PÁSKADAG VERÐA MØTINI Í HØLLINI Á KAMBSDALI.

SUM NAKAÐ NÝTT VERÐA FORVITNISLIGIR ÁHUGATíMAR I MIÐNÁMSSKÚLANUM Á KAMBSDALI LEYGARDAGIN KL. 15:00 VIÐ FYLGJANDI EVNUM :

“Uppliva menniskju Jesus trúfastan?" - Jógvan Zachariassen
"Rættvísi - at gera rætt" - Hanna Vang
"at vera leiðari á Zarepta" - Zarepta
"At vera avvarðandi og at síggja persónin í demensinum" - Róland í Skorini
"Tikin av sjórænarum" - Jógvan Páll Sevdal

Allir áhugatímarnir verða endurtiknir kl. 16:00 við drekkamunni ímillum.

Leygarkvøldið verður møti kl.20:00 har kvinnubólkurin DØGG úr Betesda syngur. Kl. 22:00 verður ungdómsmøti í høllini á Kambsdali.

Páskadag verður familjumøti kl. 12:00, og kl. 14:00 verður møti við breyðbróting, og samstundis verður sunnudagsskúli í Miðnámsskúlanum. Millum hesi bæði møtini verður millummáli.

Stevnan endar páskadag kl.20.00 við konsert í høllini í Kambsdali, har Siloakórið, sangbólkurin T.O.S. og MC. Restorff framføra.

Skrivað: Páll á Lakjuni