Rakul Arnfríð Dam, røktarleiðari á Gróðurstøðini á Skógrøkt Landsins, sum liggur undir Umhvørvisstovuni, sigur, at seinastu 10 árini hava tey ongar pestisidir brúkt. Hon sigur, at tey brúka dúkar at verja móti ókrúti. Og, tá tað kemur til lýs, sum einamest seta seg á topskot ella endasprot, so mælir hon fólki til at klípa endasprot av ella at spula tey við vatni. Hon heldur eisini at fólk átti at havt kettur inni um dagin, so smáfuglar ótarnaðir sleppa framat at eta lýs og onnur kykt, og so heldur lata ketturnar vera úti um næturnar og fanga mýs og rottur. Sambært Rakul, halda smáfulgar seg eisini burtur um sproytað verður við pestisidum.