Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Næstformansvalið í Sambandsflokkinum

Innanlands, Lesarabrøv | 09/04-2018 22:55

Nú inflatíón er komin i gitingar um fyrrverðandi næstformann Sambandsfloksins, er ivaleyst upp á sítt pláss at gera hesa viðmerking. Viðmerkingin er gjørd uttan at tosa við nakran annan ella at biðja um loyvi.

Í oddagreinini í Sosialinum sigur Eirikur Lindenskov at tað var taktiskt skeivt at skifta næstformann í Sambandsflokkinum. 

Út frá tí at fyrrverðandi næstformaður brúkti nakrar dagar til at umhugsa støðuna og at melda seg úr flokkinum, so er trupult at síggja tað taktisk skilagóða í at geva persóni næstformanssess, sum annars ikki hevur hug at verða í flokkinum.

Sum vanligt í slíkum føri, fær fyrrverðandi næstformaður óavmarka pláss í fjølmiðlunum. Vit hava hoyrt hann tosa um at hava so nógvar flokkar at velja ímillum at hann veit ikki hvar hann skal fara. Men kanska hann hevur evnini at tilpassa seg allar stevnuskráir á Løgtingi. Somuleiðis tosar hann um at Føroya Løgting er at samanlíkna við eitt fótbóltslið. Fólk flest halda annars at Løgtingi er einstaklingaítróttur. Ja, orsøk er at halda at einstaklingaflokkurin er stórsti flokkur á Løgtingi.

Somuleiðis verður tosa um hvat viðkomandi ætlaði at gera á Løgtingi. Tað krevjast 980 atkvøður fyri at koma á Løgting. Við 370 atkvøðum eigur viðkomandi ⅓ sjálvur og hini valevnini og flokkurin hinar atkvøðurnar. Tí ber ikki til, eins og Jóannes Ejdesgaard nevndi í vikuskiftinum, at tosa um hvat ein sjálvur ætlar. Evnini at lurta eiga tí at verða minst líka góð, sum evnini at tosa. 

Fyri at lesarin betri kann skilja restina, skal upplýsast at endamálið við næstformanni Sambandsfloksins, sum ikki skuldi verða Løgtingsmaður var, at verða bindilið millum tinglimir, bakland v.m. Seinastu 10-15 árini hevur sessurin tó verði brúktur til at profilera næstformannin meira enn gott er. Umhugsa verður at skjóta upp at venda aftur til gamla leistin.

Annars hoyrur tað við til søguna, at orsøkin til at annað uppskot kom til næstformann var, at táverðandi næstformaður ikki var mettur at verða tann rætti. Tá tað var konstatera, eitt mikukvøld kl. 22 á nevndarfundi í einum lokalfelag, var eitt møguligt alternativ funnið. Uppskot til aðalfundin skuldi latast inn sunnukvøld. Síðan bleiv spurt runt millum tey sum høvdu atkvøðurætt. Ongin av tinglimunum og ongin í starvsnevndini bleiv spurdur/biðin at atkvøða fyri alternativinum. Tá mett var, hósdag, at undirtøkan fyri at skifta sitandi formann var so mikið góð at einki var at ivast í, bleiv alternativa valevni spurt um hann vildi stilla upp. 

Nevndarlimir vóru misnøgdir við clearingsavtaluna. Og uttan at fara í smálutir, so er sannleikin um tað clearingsavtaluna als ikki komin fram. Men í stuttum var hon gjørd í heimildarloysi. Tí er spurningurin um at halda clearingsavtalur fullkomuliga órelevantur. 

Harumframt vóru samráðingarnar um fiskivinnunýskipan við í metingini. Framgangsmátin var stóri trupulleikin. Og tað sum har hendi var í sjálvur sær mett at verða nóg mikið til eina uppsøgn. 

Tað var ikki við í metingini at táverðandi næstformaður hevði verið á fundi við Javnaðarflokkin um at stilla upp fyri Javnaðarflokkin. Tað var heldur ikki við í metingini at hann hevði verið á fundi við enn ein flokk (ikki javnaðarflokkin) um at stilla upp fyri teir. 

Sostatt skal avvísast at Hjúnarbandslógin hevði nakað at gera við málið. Somuleiðis skal avvísast at talan er um eina nýggja og meira konservativa kós.

Tað hevur altíð staðið tinglimum Sambandsfloksins frítt at atkvøða í etiskum málum og tað ger tað framvegis. (meira um rumbul av tí lógini seinni) 

Orsøkin til at sitandi næstformaður var skotin upp var, at brúk var fyri einum persóni sum øll sum høvdu atkvøðrætt kendu. Harumframt var ófrávíkiligt krav at viðkomandi var mettur at verða loyalur og at hann arbeiddi fyri heildini og ikki sjálvum sær. Tað gav jú onga meining at skifta út við ein av sama slag. 

Endamálið var sostatt at skifta fyrrverðandi formann út. Hvør kom í hansara stað hevði ikki tídning. Næstformansvalið var tí eitt frával av fyrrverandi og ikki eitt tilval at sitandi.

Eivind Jacobsen
Strendur


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Finskur ráðharri í politiskum ódnarveðri tí hann hevur mótmælt fosturtøku
Stefan Løfven fallin
Opið bræv til Føroya Landsstýri og Føroya Løgting
Nógvur vindur í løtuni - bilur tikin av vindi
Hugnaløtan (34) - Gestur: Jeffri Johannesen
Eyðun Mørkøre - øll nýtast ikki at búgva í Havn
Hava funnið Endeavour hjá James Cook
Menningar­kvotur kunnu misbrúk­ast uttan avleiðingar
Skuldsettur fyri dráp
R7: Fuglafjarðarsendingin beinleiðis í dag klokkan 15.00 til 17.00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi