Undarlig bygging á Karlamagnusarbreyt
Fyrstu ferð R7 fekk varhugan av tilvildarligari umsiting av byggiloyvum og grundøkum í Tórshavn, var tá Aksel Løgmaður søkti og fekk undantaksloyvi at selja grundstykki privat, sum Tórshavnar kommuna annars átti at tikið innaftur.
Umsitingin av byggiloyvum í Tórshavnar kommunu tykist verða tilvildarlig. Í øllum førum eru nógv undantøk og onkursvegna geva upplýsingarnar orsøk til at kanna meira fyri at finna sannleikan á hesum øki.
Tað eru tvey mál sum hava vakt áhugan.
Tað fyrsta var tá Løgmaður, Aksel V Jóhannesen søkti og fekk loyvi at selja eitt grundstykki, sum hann hevði keypt, tá kommunan seldi stykki á uppboðssølu. Treytirnar vóru at tað ikki kundi seljast víðari og skuldi latast aftur til kommununa um hús ikki blivu bygd á stykkið. Tá gav kommunan loyvi til at Aksel seldi grundstykki til triðja persón (NB. 24/6-2016 tingl. samb. kortal.fo, og 2 ára skattareglan). Aksel, Løgmaður, gjørdi einki skeivt. Men partamenn hansara í býráðnum, áttu at tikið stykkið innaftur og síðan selt tað aftur á uppboðssølu. Hendan avgerð kostaði ivaleyst býráðnum nógvar pengar. Aksel fekk loyvi at selja fyri sama prís sum hann keypti. Men við at selja til triðja persón, skoraði triðji persónur, útvaldur av Løgmanni kassan! Og var tað nakar annar enn Løgmaður, so høvdu keypari og seljari deilt tann kassan á sama hátt sum gjørt verður við Andelsboliger í Danmark.
Søgan um at loyva persóni at selja var annars í KVF. Høgni Djurhuus las tíðindi úr býráðnum. Men Løgmaður bleiv ikki nevndur og KVF visti ikki av at talan var um Løgmann.
Næsta málið, ið er undrunarsamt er, at býararkitekturin, Michael Viderø er givin. Ongin tykist vita hví so er. Tað er undrunarsamt. Gitt verður, men tað lata vit liggja.
Eftir at hava koyrt eftir Karlamagnusarbreyt nakrar ferðir seinastu árini, gerst alt meira greitt, at hendan útstykking og tað sum bygt verður, als ikki stendur nøkur mát. Í øllum førum verður bygt á slíkan hátt, sum ikki er sæddur aðrastaðni.
Tað eru privatir eigarar og tí hava vit frávalt at brúka nýggjar myndir. Tað er ikki rætt mótvegis eigarunum. Men vit fara at spyrja um innlit og annað komandi vikuna. Og síðan fara vit at viðgerða hetta meira nágreiniliga.
Sjálvandi eru onkrar reglur galdandi. Men tað sær út til at mynduleikarnir gera undantøk sum best ber til. Tí tað sær als ikki út til at alt er líka. Trupulleikin við at geva undantøk er at tá veksur týdningurin av at kenna tey røttu fólkini. Somuleiðis er trupult hjá summum fólki at skilja hví tey fáa nei, tá onnur fáa undantaksloyvi.
At býararkitektar skifta og ongin veit um orsøkina, samstundis sum fólkavaldu politikararnir tykjast hava ávirkan á hvat verður viðgjørt, bøtir ikki um álitið.
Somuleiðis eiga vit at gera okkum greitt, at tað er vandamikið at tala at. Tá verður meira sannlíkt, at persónar, sum viga nógv siga sum minst og bara lættvektarar mótmæla og so verður alt samtykt og øll eru glað.
Greitt er at fólk tosa. Men meira gjøgnumskygni og opinleiki hevði hjálpt rættuliga nógv.
Mest lisið í farnu viku
Samband
Heygsvegur 8
490 Strendur