Eingin familja, og einki eftirnavn hevur sett síni spor í indiskan politikk farnu 70 árini, t.e. síðan India fekk sjálvstýri frá Bretlandi, sum Gandhi-ættin.

Nú frættist úr heimsins fjølmentasta fólkastýri, India við 1,2 mia íbúgvum, at 6. Ættarlið hevur tikið við sum arvingi til ella leiðari í indiska Congress Party.

Hesin Rahul Gandhi er 47 ára gamal og sonur Rajiv og Soniu Gandhi. Um foreldrini er at siga, at Rajiv (1944-91) var forsætisráðharri 1984-89 og sonur Indiru Gandhi. Rajiv avloysti mammuna sum indiskur leiðari. Bæði vórðu sprongd í luftina í mannamúgvu á politskum hópfundi.

Í móðurlegg er Rahul, nýggi floksformaðurin, sonur Sonju (f. 1946). Hon var italsk flogterna og gift Rajiv Gandhi og mín sann eisini vald forkvinna Kongressfloksins, men sum útlendingur gjørdist hon ikki ríkisleiðari í India.

Langabbi Rahul  var gamli Nehru, ið 20 ár eftir kríggið var ein av heimsins tá best kendu politiskarum.

Best kendi leiðarin í Indian national Congress, sum flokkurin eitur, var uttan sammeting sjálvur Mahatma Gandhi, ið verður roknaður sum faðir at sjálvstøðuga India, vit kenna í dag. Hann er tó ikki í ætt við Gandhi-fólkini undan Indiru Gandhi, ið var dóttir Jawarhalal Nehru, men giftish Gandhi.

Í røðu síni sum nývaldur formaður í Kongressflokkinum herjaði Rahul Gandhi á verandi stjórnarflokkin ,BJP, og skuldsetti hann fyri religiøsa sektarismu. Kongressflokkurin er í dag almenn andstøða í indiskum politikki.

Kongressflokkurin hevur verðið skuldsettur fyri mutur, ið eisini hevur herjað indiskan politikk illa, sum so mong onnur lond uttan fyri Vesturheimin.

Undir leiðslu av Gandi ættini lá India tætt upp at Sovjet uttanríkispolitiskt og hevði tá enn meri køvandi sosialistiskan planbúskap, enn landið hevur í dag.

Sosialisma er ring. Næstan líka ring er hinduisman, ið er sosialt statisk. Prestastættin, brahminar eru ovast á sosialu pyramiduni og hermegini undir henni. Eisini koma góðseigarar áðrenn handil- og vinnulív í sosialari tign. Niðast eru tey stætta- ella kastuleysu, ið ongan mobilitet hava.