Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tað kann ikki passa!

Lesarabrøv | 15/04-2018 19:04

Alt hevur sínar avbjóðingar, men tað skal eingin billa mær inn, at tað ikki ber til at flyta ein kassa við atkvøðum frá einum valstaði til annað í 2018.

Rættarnevni hjá løgtinginum tekur ikki undir við, at atkvøðurnar á smáu valstøðunum skulu verða taldar saman við atkvøðum frá størri valstøðum. Bara umboðini hjá Sambandsflokkinum í rættarnevnini taka undir við uppskotinum. Harvið er staðfest, at áhugi er ikki fyri, at føroysk løgtings- og kommunuval skulu vera loynilig.

Tað skal framvegis vera møguligt at rokna út, hvør atkvøður hvat á smáplássunum, og tað skal eisini bera til at trýsta fólk á hesum plássum til at atkvøða ímóti teirra sannføring. Hetta er snøgt sagt ikki í lagi.

Vit kalla okkum eitt fólkaræði og vit liva í 2018!

Bíligar undanførslur

Tað ber altíð til at finna bíligar undanførslur, og tað roynir meirilutin í rættarnevndini eisini eftir førimuni at gera. Víst verður millum annað á, at ”tað er fremjandi fyri fólkaræðið, at veljarar á smærru støðunum hava sítt valstað eins og veljarar á størru valstøðunum.” Hetta fær meg at seta spurnartekin við, um tey sum hava skrivað álitið yvirhøvur hava lisið uppskotið. Tað stendur jú beinleiðis í uppskotinum, at tað snýr seg IKKI um at avtaka nakað valstað. Skotið verður harafturímóti upp, at veljarar skulu kunna velja á vanliga staðnum, men atkvøðurnar skulu verða fluttar til annað stað, fyri at verða taldar upp har.

Meirilutin í rættarnevndini nevnir nógvar aðrar grundgevingar fyri, hví vallógin átti at verið tikin upp til nýggja viðgerð. Alt gott um tað, men hví brúka hesar undanførslur fyri ikki at taka undir við hesum uppskotinum? Tey hava einki við hvørt annað at gera, og einki bendir á, at nakar arbeiðir við hinum spurningunum. - Hví ikki bara vera erligur og siga bart ut: Vit ynskja ikki, at valini skulu vera loynilig?

Alt hevur sínar avbjóðingar, men tað skal eingin billa mær inn, at tað ikki ber til at flyta ein kassa við atkvøðum frá einum valstaði til annað í 2018.

 

Helgi Abrahamsen

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Helgi Abrahamsen
Mest lisið í farnu viku
Borgar­stjó­rin í Runavíkar býráð er ikki Tórbjørn Jacobsen á Glyvrum, hetta sigur Tobbi við R7
NOVA úr Suðuroynni (32) - 03. des 2018
R7 Premier League (28) - 03. des 2018
Brúgvin (112) - 3. des 2018
Jógvan Páll Lassen: Lat SEV selja bensin og olju
Hundraðtals milliónir fyri skeytið á Gomlurætt
Metis - Øll sendingin - 04. desember 2018
Sonni hevur Volvo "virus "
Kleptoman-landskassi
Í kjalarvørri­num, lív okkara - eitt kelduvað av vitan og lívsroyndum
"Kom á 2069!" (42) - 7. des 2018
Rák (27) Damudomi um sexismu í almanna rúminum
Glasir!
Nýtt virksemi í turkihúsi­num í Vági
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Her verða allar gátur loystar
Dýrir dreingir í Hoyvíkshaga
Tvístøða (49) - Øll sendingin
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Eiga at halda fast við tálmandi rúsdrekka­politikkin
Novembervitjan í Suðuroy - møtir og bíbliuskeið
Tíðindi klokkan 17:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi