Marc Morano hevur júst skrivað bók við um, hvussu veðurvargar villleiða fólk við sínum spádómum um verðsins enda. (The PI Guide to Climate Change.”

Morano granskar veðurlag, og hansara beinraknu lýsingar av tápuleikum í veðurlagskjakinum gera hann ein hin mest hataða “veðurlagsskeptikara”, “persónlig ímynd av óndskapi,” skrivar vinstravendi miðilin, Daily Kos.

Í bókini sigur høvundurin, at sannir veðurfrøðingar vita best, hvussu smáar møguleikar og evni tey hava til at spáa langt fram um veður.

Men tey, ið gera seg upp at vera serfrøðingar í veðurbroytingum, og alt embætisverkið, ið fær løn fyri at ræða lívið úr fólki um framtíðina, spáa veðrið hálva og enntá heila øld fram, hóast tað er ilt at síggja fáar dagar fram.

Alarmistarnir gera seg upp sum vísindafólk, men verða drivin fram av politikki, pengum og egnari religión. Tey skulu skjótt standa til svars fyri dómadags-rópum, og verða tá avdúkað sum svindlarar. Tey váða sítt umdømi.

Morano skrivar, at heimurin rindar mia dollarar hvønn dag til at “fyribyrgja” globalari upphiting. Eitt falsum, tey lúgva um í heilum, er, at 97% av øllum vísindafólkum eru samd um upphitingina og kalla okkum ivasomu brotsfólk.

Hann sigur, at veðurlagspolitikkurin hjálpir ikki heimsins fátæku, men knúsar tey, tí at París-avtalan kostar 100-tals mia dollarar at verða útint til fulnar.

Morano spottar við, at “veðurlagsbroytingar” hava fingið skyldina fyri m.a. prostitutón, vertshúsbardagar, flogfarsturbulens, kríggj og fólkaflytingar. Tey mest religiøsu vilja “verja síni børn móti illveðri við ikki at fáa tey!”

Veruliga tjúknar ísurin á Antartika, og at sammeta hita frá ári til árs er høpisleyst. Annars hevur norðara hálva havt kaldasta vetur í áratíggju.

Klimatologurin Oren Cass takkar Trump fyri at hava bjargað USA úr París-avtaluni, sum hevði kostað landinum 100-tals mia dollarar árliga, meðan Kina og India, ið hava risa CO2-útlát, sleppa snikkaleys at dálka til 2030. Nýggi amerikanski uttarríkisráðharrin, Pompeo, hatar París-sáttmálan, sum er gott.

Hitaløgini um knøttin eru  ornað síðan seinastu ístíð við ella uttan menniskju. CO2-ið var 10 ferðir hægri undir ístíðum fyri 10000-tals árum síðan enn í dag.