Endiliga tykist Kina gera álvara av, at landið ikki longur verður medsekt í, at 30.000 fílar verða slysskotnir í Afrika og fílastovnurin har er hóttur.

Bejing hevur júst bannað øllum handli við fílabeini og prýðislutum úr tí. Hetta átak verður fagnað sum neyðugt til, at ránsveiða á afrikanskar fílar steðgar.

Kinesiska bannið umfatar eisini stórhandilin við fílabeini á goymslu, ið hevur verið atvold til, at handils- og framleiðslubann higartil eru miseydnað. Tað ber einfalt ikki til at gera mun á nýggjum og gomlum fílabeini á goymslu.

Higartil hevur Kina svikað við hesum sum við so mongum øðrum handli. Kinverjar hava elligamla siðvenju fyri listarhandverki úr fílabeini, eins og teir hava hótt afrikanska stovnin av nasahyrningum, tí teir trúgva, at knúst nashorn er so gott fyri gessin. Japanar halda tað sama um m.a. igulkerjarogn.

Fílabeinsbannið rakar 176 kinesiskar fílabeinsverksmijður, sum lata aftur.

Fílabeinsprísurin á heimsmarknaðinum er fallin 65%, síðan lógin varð samtykt

Deyðadómar feldir alment á fótbóltstadion

Ein almenn dagdvølja, sum ikki er bannað í Kina enn, er almenn “glantri”-rættarmál, tá ið kommunistisku myndugleikarnir vilja ræða fólk frá at skikka sær illa við at halda opnar rættarfundir og dómfellingar í fótbóltstadion.

Herfyri flyktust 1000-tals fólk til fótbóltsvøllin í Lufeng í Suðurkina at hoyra 10 brotsfólk fáa deyðadóm og síggja tey verða skúgvað upp í bilar til avrættingar.

Annars blivu politisk glantrirættarmál brúktir undir Mao til at skúla fólk frá at seta seg upp móti kommunistaflokkinum. Alt slíkt tænti politiskum endamáli.

Men í 1988 góvust myndugleikarnir undir leiðslu av Deng Hsao-Ping at rættarsøkja og døma fólk alment. Slíkt alment undirhald varð hildið barbariskt.

Men í síðstuni eru undantøk gjørd. Stór mutursmál og deyðadómar hava verið almenn atkomilig. Nýliga er narkotika vorðið ein landaplága í Guangdong landslutinum, og tað var her, drøgghandlarar vórðu deyðadømdir, meðan næmingar í skúlabúnum og fólk annars vórðu boðin at hyggja at.