Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Hvat bagir í Kringvarpinum?

Innanlands, Lesarabrøv | 15/04-2018 23:01

Jenis av Rana spyr hví KVF undrast á at tað eru nógv í Føroyum sum eru trúgvandi og ivast i um menningarlæran er røtt.

Eg havi av og á samband við kringvarpið og tey, ið har starvast. Sum heild bæði fitt, fyrikomandi, blíð og arbeiðssom.
Men so bráddliga kenst ikki aftur! Tykist sum nøkur teirra taka stykkið úr, fara í sjálvsving, gloyma alt um objektivitet og halda seg eiga bæði kringvarpið, lurtaran, sannleikan og veruleikan.

Sjálvterapisendingarnar.

Eg latið sjálvterapisendingarnar hjá Heina liggja, fyribils, tær skaða jú ongan annan enn hann sjálvan. Men at kringvarpsfólk skulu gerast firtin og í øðini inn á tær kanningar, sum gjørdar eru í sambandi við sendingarnar, tað krevur bæði eina og fleiri frágreiðingar, fyrrenn ikki frá stjóranum. 

Ein stórur partur av føroyingum trúgva, at Gud hevur skapt heimin, tað vísa hesar kanningar m.a. Fantastiskt og sjálvsagt í einum sokallaðum kristnum landi, øll burdu havt orsøk at gleðst um tað! Men tíverri tykist gleðin hjá summum kringvapsfólkum vend í vreiði vegna hendan gleðiliga veruleika. Hvør í verðini man orsøkin vera til tað?

Í øði út á skúlarnar

Í øði fara tey, saman við sjálvprofilerandi " vertinum", at royna at finna orsøkir til, hví tað er so galið, hví tað er so illa statt við føroyska skúlunum og hví føroyingar eru so frekir at trúgva uppá Gud, Skapara Himins og jarðar.
Eitt eru prátini við menn, sum hava valt ikki at trúgva Gudi, men hví, í hesi øði, fara út á skúlarnar at stilla lærarar til svars fyri, hví hesir ikki hava megnað, áðrenn skúlalok, at hava rikið trúnni úr næmingunum? 

Hví ikki fegnast?

Hví ikki kannað og fegnast yvir frálæruna, sum hevur megnað at varðveitt trúgv næminganna? 
Hví ikki vitjað samkomur, kirkjur, prestar, samkomuleiðarar, sunnudagsskúlalærarar, foreldur v.m. og fregnast um, hvussu til hevur borið at vart, ment og styrkt føroyska ungdómin, so gudloysisstreymurin, sum treingir á, ikki hevur fingið sama gróðrarbotn teirra millum sum tíverri so mangar aðrastaðir?
Og hví blint verja  uppáhaldið um, at menningarlæran og vísind hava nakað við hvønn annan at gera og at halda, at trúgvin uppá Skaparan útilokar vísind? 
Veruleikin er jú tvørturímóti!

Vísindin vísir og prógvar stórleika Guds!

Aftur og aftur vísir vísindin okkum, hvussu ómetaliga stórur Gud og Skapari okkara og skapanarverk Hansara er, ella, sum ”Tóra” so væl skrivar í viðmerking á portal.fo: ”Onki er meir ótrúligt enn hvussu cellubiologi og genetik rigga.... og tá man lærur hesi fak, er tað ringt ikki at trúgva uppá Guð”

Hinvegin vita vit væl, at trúgvin á tilvildarligu menningarlæruna hongur í einum tunnum tráði, nei orsakað, tráðurin er í fleiri støðum slitnaður, tí menningarlæran er als ikki knýtt at vísind ella tíansheldur vísindaliga grundað!
Og tann veruleikin hevði verið upplagdur hjá onkrum av dugnaligu kringvarpsfólkunum at greitt føroyinginum frá, honum sum trúfast verður tvangskravdur lurtara- og hyggjaragjald.

Jenis av Rana


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Eivind Jacobsen
Lýsing
Mest lisið í farnu viku
Fakta kekking av Ingolf S. Olsen
Samrøða: Bjarni Arnason um føroysku fiski­vinnuna
Magnus Heinason gjørdi bummtúr eftir toski
Vespureiðrið (100) - 18. mars 2019
EFTIRSKÚLI Á TVØROYRI Í AUGUST
Hugnaløtan (54) - Gestur: Hjalgrím Davidsen
So kom Markus
Tí eigur onkur at steðga verandi ætlanum, áðrenn stórskaðin hendir.
"Kom á 2069!" (52) - 15. mar 2019
Skulu frysta kalvan umborð
Komið øll við (3) - Gestur: Uni Árting, um dart - 14. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Toskurin ferðast
Hvast orðaskifti á tingi um Lands­bankan
Álvara Kaj Leo, meinar tú tað? Einki er meira veruleikafjart.
Samkynda forkvinnan hjá skotsku konservativu júst fingið barn
Komið øll við (3) - Gestur: Jógvan Skorheim - 14. mars 2019
Normenn fingu rættuliga stóran tosk
Sendið boð eftir fráfarna stjóranum
Rák (37) Barna­rættindadagar 2019 vísa hvar barna­rættindi verða brotin í Føroyum
Hjalmar Zachariassen; Fólksins ogn
VÍF - H71 endaði við 33-22
Hjálparfólka­felagið og Betri hava kunningarfund
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi