Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

So vakni føroyingar!

Fiskivinna, Myndarøðir | 16/04-2018 23:37

Her er ikki fiskaloysi, sum var okkara skrekkur fyrr, men ódugnalig fólk, ið forkoma okkum!!!

Jn.fo skrivar, at 5 íslendsk skip sigla fullfermd heim til Íslands at landa. Tey hava omanfyri 10.000 tons av svartkjafti, sum alt er fiska sunnan fyri Føroyar. 
Í løtuni eru útvið 30 skip á feltinum suður og í landsynning av Føroya Banka, tey flestu russisk og íslendsk.

Jupiter er við at verða full lastaður og skal so seta kós heim at landa. Tað vil siga 2.000 tons av fiski. Restin er vatn, so vit fáa kølt fiskin. Tí tað gongur so long tíð, áðrenn vit at fáa hann uppá land. Vit kundu fiska 2.500 tons um alt var sum fyrr. MEN vit mugu bíða eftir landingartørni, tí vit sleppa ikki uttanlands at landa og fáa betur prís. Um tað gongur gott, so sleppa vit kanska at landa hóskvøldið. Og síðan skunda okkum aftur á felti at kappast við íslendingar og russar.

Hvat er tað, sum er gingið galið í Føroyum? Hví skulu vit ikki sleppa at fiska í okkara føroyska sjóøki. Okkara uppisjóvarfloti liggur og gnaddar gummi og bíðar eftir at sleppa at landa, meðan íslendsk skip sigla fullfermd heim at selja fongin. Russisk skip liggja inni á Kongshavn og umskipa teirra fong, ið allur er fiskaður í føroyskum sjóøki.

5000 tons av svartkjafti svimja eftir í ES øki. Í løtuni eru tey ávegis í føroyskt øki. Hetta er sostatt mist ES kvota, sum ongin fekk nakað burturúr.

So tað er markotligt, at man skal lesa og hoyra Tjóveldisrørsluna profilera seg við at skerja blokkin, samstundis sum atgerðarloysi í fiskimálaráðnum ger, at samfelagið missur stór virðir, og evnini at standa á egnum beinum bert eru omanfyri hálsvølin.

Tú gud forbarmi seg! Og hetta heldur áfram, meðan útvarpstóli varpar okkurt arabiskt volapyk út og Føroyaland er í fríum falli.

Myndirnar eigur Isleifur VE 63. Hann er inni í Íslandi í morgin kl. 15. Í posanum hjá honum eru 500 tons av svartkjafti. Hetta reyða “stoffi” er fiskur. JA, so nógvur fiskur er at fáa í føroyskum øki í løtuni. Fiskivinnulóggávan hevur bundið okkara skip til bryggjuna at bíða eftir landing. Tá hetta reyða “stoffi” er vekk, er ongin grund at skunda sær meira.

So vakni føroyingar! Her er ikki fiskaloysi, sum var okkara skrekkur fyrr, men ódugnalig fólk, ið forkoma okkum!!!

Kelda: Jonhard Danielsen á sínum Facebook vanga
 


Lagt út: Randi Jacobsen
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Finskur ráðharri í politiskum ódnarveðri tí hann hevur mótmælt fosturtøku
Stefan Løfven fallin
Opið bræv til Føroya Landsstýri og Føroya Løgting
Nógvur vindur í løtuni - bilur tikin av vindi
Hugnaløtan (34) - Gestur: Jeffri Johannesen
Eyðun Mørkøre - øll nýtast ikki at búgva í Havn
Hava funnið Endeavour hjá James Cook
Menningar­kvotur kunnu misbrúk­ast uttan avleiðingar
Skuldsettur fyri dráp
R7: Fuglafjarðarsendingin beinleiðis í dag klokkan 15.00 til 17.00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi